Kăn xiâm hnê ngăn tơnêi têa kheăn kơdeăn ABAC III cho roh ki kal vâ khu tê mơdró veăng tơpui rơkong pơchân ăm Roh hôp râ kăn xiâm APEC 2025 a Hàn Quốc. Kăn xiâm hnê ngăn tơnêi têa loi tơngah Việt Nam kô veăng hên tung tơdroăng xiâm roh hôp, mơdêk tơtêk, mơnhông krá tơniăn ƀă mơjiâng tơdroăng la ngiâ cheăng kâ pro tơ’lêi hlâu, tâi tâng ăm kơpong châu Á – Thái Bình Dương.

Kheăn kơdeăn mâu tơdroăng tơkêa bro mơ’no liăn cheăng dêi Grup pơkuâ Hyosung a Việt Nam, Kăn xiâm hnê ngăn tơnêi têa mơnhên Việt Nam đi đo phiu ro mâu khu mơ’no liăn cheăng kŏng ngê̆ rơxông nếo, pơhlêh nếo tơmiât pêi rơkê. Kăn xiâm hnê ngăn tơnêi têa pơkâ thế pôa Hyun Sang Cho pơtối pro kông tơdjêp mơdêk tơrŭm cheăng pơla khu tê mơdró Việt Nam ƀă mâu khu tơrŭm kơpong, veăng kum tung tơrŭm cheăng kâ pơla péa pâ ƀă hên pâ.