Tơdroăng châ tơkŭm po tơdrêng ƀă tơdjêp tiô troăng hyôh măng 102 cheăm, bêng tung kong pơlê. Khu râ kăn pơkuâ kong pơlê Dak Lak hiăng tiê nut pơxiâm po tơdroăng tơkêa bro mơjiâng hngêi trăng, troăng klông xúa kŏng ngê̆ kơxô̆ Dak Lak hneăng hơnăm 2021 – 2025, tơmiât troh hơnăm 2030 – tơmeăm ki xiâm koh phiu ro Hneăng hôp Đảng ƀô̆ kong pơlê hneăng hơnăm 2025 – 2030. Kong pơlê mơhnhôk ‘’100 hâi po pêi pro’’ (sap ing hâi lơ 15/7 – 25/10/2025) tơdroăng ‘’Hnê kuăn pơlê xúa kŏng ngê̆’’ khŏm mơ-eăm troh lâp lu tuăn ngôa rơkê, tơdroăng ki xúa kŏng ngê̆ thong tin ƀă pơhlêh xúa kŏng ngê̆ kơxô̆ rơdâ troh rêm thôn, pơlê, tôh kuăn pơlê kơphô̆.

Tơdroăng tơmiât troh pơkâ vâ rêm ngế kuăn pơlê, ki malối cho kơpong kuăn pơlê hdroâng kuăn ngo ƀă kuăn pơlê kơpong hơngế hơngo châ achê mâu tơdroăng xúa kŏng ngê̆, chiâng xúa pro hlá mơ-éa tiô troăng hyôh măng kŏng ngê̆ ƀă xua kŏng ngê̆ tung pêt mơjiâng tơmeăm khoăng, tê mơdró. Xuân a tơdroăng kal kố, mâu kăn teăng mâ châ tâ xúa mâu tơdroăng kŏng ngê̆ xúa AI tŏng gum ti tăng pơkâ, troăng pêi xing xoăng râ, pro mơ-éa tơnêi têa.