Ngế pro xiâm hnê ngăn tơnêi têa pơkuâ hôp mơgêi 1 khế pêi cheăng dêi kong pơlê 2 râ
Thứ ba, 11:00, 29/07/2025
Tơplôu: Gương/VOV
Tơplôu: Gương/VOV
VOV.Xơ Đăng - Pơkuâ hôp hôp mơgêi 1 khế pơxiâm pêi cheăng dêi mâu kăn 2 râ a kơxê lơ 28/7, a tíu pêi cheăng Chin phuh, pôa Phạm Minh Chính Ngế pro xiâm hnê ngăn Chin phuh pơkâ thế: tơniăn mâu tơdroăng ki kal, tíu pêi cheăng, tơmeăm khoăng kih thuât vâ tơdroăng pêi cheăng dêi mâu kăn péa râ tơbleăng pêi tơdrêng, ôh ta pơtê ƀă tơƀrê.
Tơbleăng a rôh hôp, pôa Phạm Minh Chính - Ngế pro xiâm hnê ngăn Chin phuh khĕn kơdeăn tơmâng pêi khât dêi mâu khu xiâm, kơvâ cheăng cheăm bêng dêi kong pơlê tơbleăng pêi cheăng kăn xiâm 2 râ. Ngăn tơdjuôm hiăng tro, laga, Ngế pro xiâm hnê ngăn tơnêi têa tối nhên ối tơvâ tơvân tơdjâk troh tơnêi, tơdroăng pro hlá mơ-éa, ‘na luât, hngêi pơkeăng, hngêi trung, hnoăng ki rah xo...
Tối khât gá, kuăn pơlê hâi teăm hmâ ƀă pơ’lêh kơxô̆ tơdroăng pro hlá mơ-éa tơ’lêi xuân thế lăm troh a tíu xiâm pêi cheăng pro hlá mơ-éa. Ngế pro xiâm hnê ngăn tơnêi têa tối nhên tơkŭm pơ’lêh kơxô̆ vâ kơdroh tơdroăng pro hlá mơ-éa ăm kuăn pơlê, khu mơdró, laga, xuân kal séa ngăn nếo, tơdroăng xúa phần mêm tơdjuôm, tơniăn pêi cheăng hlâu hlối tơƀrê.
Viết bình luận