Pôa Đỗ Văn Chiến mơnê tơdroăng ki tơmâng ngăn dêi hngêi trung ƀă 39 ngế sinh viên Việt Nam dế hriâm tâp akố, pôa rơhêng vâ hngêi trung pơtối tơdah xo hên tâ nếo sinh viên Việt Nam ƀă po rơdâ troăng hơlâ tŏng gum liăn hriâm rơkê ăm sinh viên ƀă mâu sinh viên ki hriê̆n plĕng Việt Nam.

Pôa tối nhên sinh viên Việt Nam ƀă mơngế Việt Nam ai tŭm tơdroăng ƀă ivá vâ hriâm tâp a hngêi trung, tung tá 2 tơdroăng ‘na tơ’noăng ƀă nâl tơpui xuân môi tiah liăn ngân nâp hriâm. Hngêi trung hiăng kĭ tơkêa tơrŭm cheăng ƀă mâu tíu hnê hriâm hnê cheăng pêi ki châ vâi ô eăng dêi Việt Nam, tung mê ai Đại học Bách khoa.

Klêi pêi cheăng ƀă khu kăn pơkuâ hngêi trung, pôa Đỗ Văn Chiến rơtế ƀă khu kăn Việt Nam hiăng trâm mâ ƀă diâp tơmeăm ăm sinh viên Việt Nam dế hriâm tâp a hngêi trung.