Klêi tíu pêi cheăng pro hlá mơ-éa dêi kong pơlê Gia Lai pơtroh troh a Quy Nhơn, ai hrĭng ngế kăn ƀô̆, mâu ngế pơkuâ cheăng ing Pleiku hiăng trâm hên xơpá tung tơdroăng prôk lăm vâ tơniăn tung rêh ối. Vâ kơjo kum, Tíu pêi cheăng mơjiâng Gia Lai hiăng tăng ‘nâi plĕng dêi khu tơrŭm mâu rơxế chơ chiân tơdah ing Pleiku prôk troh a Quy Nhơn klêi mê vêh nếo, pơxiâm ing 3 chôu  kơxo má rêm hâi. Nôkố dâng 400 ngế kăn ƀô̆, mâu kăn, mơngế pêi cheăng prôk lối 160km troh a tíu pêi cheăng. Tối ‘na ki ton ta ah, kong pơlê Gia Lai mơhnhôk tơbleăng pêi mâu tơdroăng tơkêa bro ‘na hngêi ối vâ kum tơniăn tơdroăng rêh ối dêi Kăn ƀô̆.

Tiô tối hdrối, troh a hơnăm 2026, kong pơlê kô ai tơ’nôm dâng 5.000 toăng hngêi pơlê pơla ƀă 500 toăng hngêi ôi dêi tơnêi têa. Kố cho tơdroăng mơ-eăm dêi mâu kăn vâ tơniăn pêi cheăng ƀă rêh ối ăm mâu kăn ƀô̆, hlối mơhnhôk mơnhông tơniăn a Tíu xiâm pêi cheăng ki nếo.