O kŭn tro tâ pơreăng cho muăn Rơ Châm H’Niê (kot mâ hơnăm 2020), ối a pơlê Hreng, cheăm Hòa Phú, tơring Chư Păh, kong pơlê Gia Lai. Tiô séa ngăn pơreăng, o kŭn tro pơreăng tá hâi pâk vaccine hbrâ mơdât pơreăng lo xêi. Tung dâng 3 măng tĭng hdrối drêng tro tâ pơreăng, muăn H’Niê ôh tá lo ing pơlê, bu ối trâm mâu ngế nhŏng o tung hngêi ƀă pú hmâ a lâm hriâm. O kơnốu dêi ngế ki tro tâ pơreăng xuân ai tro tâ pơreăng drêng mê ƀă dế châ pơlât ƀă tối tơngê lo po pom khêi nhôm cho pơreăng lo xêi.

Klêi kơ’nâi o kŭn tro tâ pơreăng klâ châ mơnhên, kơvâ khăm pơlât kong pơlê Gia Lai hiăng tơkŭm po xôh pơkeăng kơdê pơreăng a kơpong o kŭn tro tâ pơreăng rêh ối, tơdrêng amê pơtâng tối, mơhnhôk kuăn pơlê djâ vâi hdrêng tro hơnăm lăm pâk tŭm vâ hbrâ mơdât pơreăng lo xêi, kơdroh pơreăng tâ tú tung pơlê pơla. Riên troh nôkố, kong pơlê Gia Lai hiăng châ hlo lối 2.500 ngế tro tơngê lo po pom khêi tung châ nhôm cho pơreăng lo xêi ƀă 217 ngế yương tĭnh ƀă pơreăng lo xêi ing khăm ngăn.