Nôkố Khu Grup Marubeni ‘no liăn pêi cheăng a kơvâ on tơhrik kơchâ, tê ăm kong têa ê mâu on tơhrik kơchâ dêi Việt Nam. Pôa Phạm Minh Chính Ngế pro xiâm hnê ngăn tơnêi têa hâk mơnê drêng Marubeni rah Việt Nam cho tíu ki vâ mơnhông a kơpong Đông Nam Á, tối tiah kô, tơdroăng kố tơtro tiô troăng hơlâ mơnhông cheăng kâ tơpui kâ dêi dêi Việt Nam, malối cho tơ’mot khu ‘no liăn pêi cheăng dêi mâu khu mơdró Nhuk.

Ngế pro xiâm hnê ngăn tơnêi têa púi vâ Marubeni pơtối po rơdâ mâu hngêi kơmăi pro on tơhrik kơtâu ƀă hyôh; hlối tơrŭm ƀă Grup Petrovietnam tung kơvâ on tơhrik kơtâu ƀă khía a têa kơxĭ vâ tê on tơhrik ăm mâu kong têa tung ASEAN.

Ngế pro xiâm hnê ngăn tơnêi têa púi vâ Marubeni veăng kơjo kum kơphế ƀă phái Việt Nam châ tê hên ăm kong têa Nhuk xuân môi tiah mâu kơchơ mơdró tung lâp plâi tơnêi; Nhuk kô mơdêk rôe phái, kế kâ, mâu plâi dêi Việt Nam