Kăn xiâm pơkuâ hnê ngăn cheăng Đảng mơnhên tối khât hnoăng cheăng hbrâ rơnáu kơtăng, tối tơbleăng tơdroăng cheăng kal kí mơhno túa tơmiât pơhlêh nếo, tơdroăng pơkâ pêi hneăng la ngiâ tŭm têk. Pôa pơkâ thế cheăm pơtối rak tơniăn cheăng kal kí, rak tơniăn gâk kring, tơniăn, mơdêk hnoăng cheăng djâ troăng ahdrối dêi đảng viên, mơhnhôk kuăn pơlê veăng mơjiâng pơlê pơla tơniăn, rơdêi.

Cheăm kal mơdêk rơdêi pơhlêh nếo, mơdêk rơkê plĕng tung rêh ối, rak ngăn châ chăm khăm pơlât, hnê hriâm, kơdroh kơtiê krá ton, pôi tá ăm hiăng hluăn ing kơtiê ah vêh kơtiê nếo. Kăn xiâm pơkuâ hnê ngăn cheăng Đảng tối nhên pơkâ thế pơhlêh chêh pro mơéa, mơjiâng Đảng ƀô̆ krúa rơdêi tŭm têk, mơdêk ki rơkê plĕng tung cheăng chi ƀô̆, ‘mot đảng viên ki nếo, pêi châ tơdroăng púi vâ mơnhông tung hneăng hơnăm ki nếo.