VOV4.Sêdang - Tung tối tơbleăng nếo achê kố dêi Bơrô Chin phuh, pôa Lê Minh Khái, Ngế pro xiâm hnê ngăn tơnêi têa pơkâ thế rĕng pê klêi luât pơkâ tŏng kum vâi kơdrâi, vâi hdrêng ki trâm pá xua pơreăng COVID-19. Chin phuh pơkâ thế Khu xiâm ngăn cheăng pêi mô đô̆i rong ƀă pơlê pơla tơrŭm ƀă mâu khu xiâm kơvâ cheăng tơdjâk troh thâ pê klêi Hlá mơ-éa pơtroh ƀă tơdroăng chêh tung hlá mơ-éa pơkâ dêi Chin phuh ‘na tơdroăng mê.

‘Na luât pơkâ tŏng kum mơngế, rơpŏng hngêi trâm xơpá tung tơdroăng rêh ối xua tơdjâk COVID-19 vêh dêi a pơlê rêh ối, tíu ối châ mung liăn vâ pêi kâ, tê mơdró. Ngế pro xiâm hnê ngăn tơnêi têa pơcháu ăm khu xiâm pơkâ ƀă ‘no liăn cheăng tơrŭm ƀă Khu xiâm ngăn cheăng pêi mô đô̆i tro rong ƀă rêh ối pơlê pơla, Hngêi rak liăn kum rêh ối pơlê pơla mâu kơ koan tơdjâk troh tí tăng ‘nâi plê̆ng, tối tâi tâng Tơdroăng ‘mâi mơnhông ƀă mơdêk cheăng kâ rêh ối, tơbleăng ăm râ kơpêng séa ngăn, kĭ pơkâ.

Gương tơplôu ƀă tơbleăng