VOV4.Sêdang - Kơxo lơ 6/3, Kăn hnê ngăn kong pơlê Gia Lai hiăng lăm pôu, ăm reăng rơkâu hâi khu vâi kơdrâi kong pơlê drêng troh hâi leh tơbâ vâi kơdrâi lâp plâi tơnêi lơ 8/3. A rôh trâm mâ, kăn hnê ngăn kong pơlê rơkâu khu pú hên dêi khu vâi kơdrâi Việt Nam tối krê [ă vâi kơdrâi tung lâp tơnêi nêi têa tối tơchoâm drêng troh leh tơbâ hâi vâi kơdrâi lâp plâi tơnêi, rơkâu vâi nâ o đi đo tơxâng cho mâu kơdrâi ki ‘’rơkê pêi cheăng ăm tơnêi têa, kơhnâ pêi viâ mâu tơdroăng cheăng tung hngêi‘’.

Kăn hnê ngăn kong pơlê tối thế tung la ngiâ, Khu vâi kơdrâi kong pơlê kal tơku\m tơbleăng pêi tơ-[rê mâu tơdroăng cheăng tơ-[rê, mê cho: Tơku\m po hneăng hôp mâu kăn [o#, mâu khu vâi kơdrâi veăng hnê tối a hneăng Hôp Đảng [o# rôh má 16; hbrâ tí tăng ‘nâi ple\ng tối ăm mâu kăn Đảng, kơxo# mâu kăn [o# vâi kơdrâi veăng hôp Đảng rêm râ ki iâ gá 5%, pêi tro hnoăng cheăng ôh tá pơrah pơla vâi kơdrâi [ă kơnốu, tơmâng khât vâi kơdrâi, vâi ‘ne\ng, mâu ngế ôh tá rơhéa, mâu ngế xahpá, pro pơlăm pơlói, ‘na vâi o klâk têa [ă hên mâu tơdroăng ki ê hía.

Kăn hnê ngăn kong pơlê Gia Lai diâp reăng rơkâu hâi leh tơbâ vâi kơdrâi lâp plâi tơnêi lơ 8/3

A kong pơlê Dak Nông, Khu kăn kong pơlê hiăng lăm pôu, diâp reăng, rơkâu Khu pơkuâ vâi kơdrâi kong pơlê [ă mâu khu ngăn ‘na pơkeăng [ă khăm pơlât. A mâu tíu ki lăm pôu mê, khu kăn kong pơlê hiăng kơde\n khe\n mâu râ vâi kơdrâi, mâu khu ngế, vâi nâ o thăm rế hía rế mơnhên dêi hnoăng cheăng tơná tung tơdroăng cheăng kâ, rêh ối dêi pơlê pơla, khăm pơlât, rak ngăn ivá châ chăn dêi kuăn pơlê, malối tung hneăng hbrâ tơplâ mơdât [ă pơreăng Covid-19.

Khu kăn pơkuâ kong pơlê pói rơhêng vâ, rêm râ vâi kơdrâi pơtối mơ-eăm kơdroh tah kơtiê xahpá, hlê ple\ng nhên tung mâu túa cheăng, tơdroăng tơkêa bro kum vâi nâ o kơdroh kơtiê krá tơniăn ton, cho ki xiâm rak ngăn tơdroăng rêh ối dêi rơpo\ng hngêi, thăm mơdêk hnoăng cheăng dêi vâi kơdrâi tung pơlê pơla. Khu pơkuâ ngăn vâi kơdrâi thăm mơdêk hnoăng cheăng tơná, uăn pât hiâm mơno, rơbot mâu hnoăng cheăng ki Pôa Hồ hiăng hnê: ‘’Thái pơkeăng môi tiah mơngế nôu ki têm rơpiât’’, rak vế, pêi pro rế hía thăm rế tơtêk ó tâ nếo tung hnoăng cheăng rak ngăn, khăm pơlât ivá kuăn pơlê.

Nhat Lisa prế Gương tơplôu [ă tơbleăng