VOV4.Sêdang - Hơnăm 2013, Thươ\ng tă Nguyễn Hữu Phúc châ Khu pơkuâ ngăn Mô đo#i gak tơkăng kong dêi kong pơlê Daklak pơcháu hnoăng cheăng lăm pêi cheăng a cheăm ối tơkăng kong Ea Bung, tơring Ea Sup, kong pơlê Daklak. Lối 30 hơnăm cheăng gak tơkăng kong, hiăng pro hên kăn pơkuâ [ă đi đo pêi pro klêi hnoăng cheăng pơcháu, Thươ\ng tă Nguyễn Hữu Phuc hiăng séa ngăn tung kơpong kố, veăng hnê tối ăm khu râ Đảng, khu kăn pơkuâ mâu cheăm, mơ’no hên hnoăng cheăng ki ai pơxúa khât, veăng kum mơnhông mơdêk tơdroăng pêi cheăng kâ-rêh ối pơlê pơla, kring vế tơniăn tíu tơkăng kong. Pak^ng mê, ngoh ối mơhnhôk hbru 34 toăng rơxế mái ăm mâu vâi muăn cháu hok tro kơtiê a cheăm tíu tơkăng kong. Hơ’muăn tối ‘na ‘’mơngế kăn [o# krâ kơlo\ng ngiât hnê mơhnhôk vâi hdrêng troh a hngêi trung’’, dêi ngế chêh hlá tơbeăng mơnhên ‘na tơdroăng mê.

            Khế 9 hdrối kố nah, Thươ\ng tă Nguyễn Hữu Phúc, kăn [o# gak ngăn tíu tơkăng kong thăm veăng pêi lo liăn cheăng a cheăm tíu tơkăng kong Ea Bung, tơring Ea Sup, kong pơlê Daklak hiăng hbru tơ’nôm 10 toăng rơxế mái ăm vâi o hok tro kơtiê a tơring cheăm kố, kum mâu vâi o tơ’lêi hlâu châ troh a hngêi trung. Tung kơxo# hok tro kơtiê ki châ hbru rơxế mái mê, ki pá má môi cho o Trịnh Văn Thanh, hok tro lâm 8C, Hngêi trung râ á 1 Ea Bung, cheăm Ea Bung, tơring Ea Sup, hngêi ối kơtăn ing hngêi trung châ troh 10 km. Rơxế mái dêi kăn [o# Phúc hbru ăm mê, môi tiah cho ivá ki kum ăm o Thanh troh a hngêi trung. O Trịnh Văn Thanh, tối: Á muăn hơniâp ro ‘nâng [ă mơnê ‘nâng xua mâu vâi miê hiăng hbru ăm á rơxế mái kố. Á muăn tơhrâ kô hriâm rơkê khât.

          Pôa Trịnh Văn Triển, ối a thôn 2, cheăm Ea Bung, tơring Ea Sup, cho pâ dêi o Trịnh Văn Thanh, hâk ro sôk suâ drêng ai tơdroăng to\ng kum ngăn khât dêi kăn [o# gak ngăn tíu tơkăng kong: Mô đo#i gak tíu tơkăng kong hiăng kum mâu vâi o ai rơxế mái xuân hiăng pro tơ’lêi hlâu iâ ăm rơpo\ng hngêi ‘na liăn ngân ăm mâu vâi muăn lăm hriâm.

          Sap ing hâi xo hnoăng cheăng a cheăm Ea Bung, Thươ\ng tă Nguyễn Hữu Phúc hmâ hlo mâu vâi muăn prôk chêng hơngế ing hngêi troh a hngêi trung. Tơ-uân tung pơla pơtê pơto, ngoh rơtế [ă khu pú ‘mâi rơnêu rơxế mái ki hiăng ton [ă lăm mơhnhôk khu râ veăng rơlo liăn ngân vâ rôe rơxế mái ăm mâu hok tro kơtiê. Hlo tơdroăng pêi pro mê ai pơxúa kân khât, hên rơpo\ng a pơlê kong kơdrâm Buôn Ma Thuột hiăng djâ dêi rơxế mái kơnôm ngoh vâ hbru kum, xung xoăng ăm hok tro kơtiê a mâu pơlê cheăm tơkăng kong. Klêi kơ’nâi 3 hơnăm mơhnhôk, ngoh hiăng hbru 34 toăng rơxế mái ăm mâu vâi muăn hok tro ki pá puât a cheăm Ea Bung, tơring Ea Sup. Thuơ\ng tă Nguyễn Hữu Phúc tối tiah kố: Tơdroăng ki apoăng ki á châ hlo, môi ngế muăn kơto a rơxế, môi ngế piăng kơtong kơtâu tiô ‘na ro\ng, hngêi kơtăn hơngế ing hngêi trung. Kố cho tơdroăng ki pro á athế pro ki klâi … Á xuân hiăng pêi pro kơhnâ khât hnoăng cheăng dêi tơná, veăng hnê tối ăm khu kăn pơkuâ ngăn cheăm ‘na mâu tơdroăng cheăng kâ-rêh ối pơlê pơla, malối cho mâu tơdroăng ki to\ng kum pơlê pơla [ă hía hế.

            Cho kăn [o# ki kum cheăng, Thươ\ng tă Nguyễn Hữu Phúc hiăng đi đo lăm séa mơnhên ngăn a mâu cheăm, pơlê, veăng hnê tối ăm khu râ Đảng, khu kăn pơkuâ hên troăng hơlâ tung kring vế tơniăn, mơnhông mơdêk pêi cheăng kâ-rêh ối pơlê pơla ăm i tơtro. Hdrối nah, Chi [o# thôn 9, cheăm Ea Bung xiâm bu ai 3 ngế đảng viên. Klêi kơ’nâi 2 hơnăm ngoh vêh pơkuâ cheăng, chi [o# hiăng ‘mot tơ’nôm 3 ngế mot đảng viên nếo. Tơdroăng ki pêi cheăng dêi chi [o# hiăng kơhnâ khât tiô hnoăng cheăng. Pak^ng mê, ngoh rơtế [ă khu pơkuâ ngăn thôn ‘mâi rơnêu hngêi hôp, pêt loăng ngiât, mơjiâng tíu xah ôm hêi, hơdruê xuâng, tíu ki ăm mâu vâi jâ pôa pơtâp ivá. Loi tơngah mơngế kăn [o# gak ngăn tíu tơkăng kong tâi ivá tơná [ă kuăn pơlê a kơpong tíu tơkăng kong, pôa Bùi Đức Hạnh, Kăn hnê ngăn Vi [an cheăm Ea Bung, tơring Ea Sup, kong pơlê Daklak tối: Pó xuân hiăng hbrâ rơnáu vâ to\ng kum ăm pơlê cheăm mâu tơdroăng ki vâ mơnhông mơdêk pêi cheăng kâ, mơ’no tơdroăng cheăng rêm hơnăm. Mơjiâng mâu tơdroăng ki malối mâu túa cheăng [ă pêi pro le\m tro tơdroăng cheăng pơlâ pơla, hnê mơhno cheăng.

            {ă hiâm mơno pói vâ dêi kuăn pơlê a kơpong tíu tơkăng kong rế hía rế pơtroh ăm tơdroăng ki hơniâp ro, sôk suâ, [ă mâu tơdroăng cheăng pêi ki nhên mơhno tối hnoăng cheăng dêi mơngế mô đo#i gak tíu tơkăng kong, Thươ\ng tă Nguyễn Hữu Phúc hiăng kum pro kuăn pơlê thăm loi tơngah tơdroăng pơkuâ ngăn dêi Đảng, khu pơkuâ ngăn pơlê cheăm.

Nhat Lisa tơplôu [ă tơbleăng