VOV4.Sêdang - Kơxê lơ 16/7, jâ Đặng Thị Ngọc Thịnh, Kăn xiâm pho\ hnê ngăn tơnêi têa rơtế [ă khu kăn pêi hnoăng cheăng hiăng ai roh pêi cheăng [a\ Khu pơkuâ Đảng kong pơlê [a\ Vi [an kong pơlê Dak Nông ‘na tơdroăng cheăng kâ rêh ối pơlê pơla [a\ mơjiâng Đảng, khu kăn pơkuâ dêi kong pơlê.

Jâ Đặng Thị Ngọc Thịnh, Kăn xiâm pho\ hnê ngăn tơnêi têa bruô tơmeăm ăm hok tro a hngêi trung dêi cheăm Dak Rơmăng, tơring Dak Glong, kong pơlê Dak Nông

A roh pêi cheăng, khu kăn pơkuâ Vi [an kong pơlê Dak Nông hiăng tơbleăng [a\ khu kăn pêi hnoăng cheăng ‘na tơdroăng cheăng kâ – rêh ối pơlê pơla [a\ tơdroăng mơjiâng Đảng, mơjiâng khu cheăng kal kí tung 6 khế apoăng hơnăm.

Tiah mê, Tâi tâng kế tơmeăm khoăng tung kong pơlê tiô tối hdrối châ 7.000 rơtal liăn, [a\ 42% pơkâ, kơlo mơdêk châ 9,28%; Xo hnoăng mơhá liăn ngân ăm tơnêi têa châ 1.230 rơtal liăn, châ 67% tiô tối hdrối ki tơnêi têa hiăng pơcháu, tâk 41% tâng pơchông [a\ roh kố dêi hơnăm nah.

Maluâ ti mê, tung 6 khế apoăng hơnăm a kong pơlê xuân ai 324 roh ko ‘nhê kong, pro tro lu\p 93ha kong. Tơdroăng ko ‘nhê kong pro ôh tá tơniăn a mâu tơring môi tiah Dak Glong, Dak Song.

Jâ Đặng Thị Ngọc Thịnh hnê tối a rôh pêi cheăng [ă kăn [o# xiâm kong pơlê Dak Nông

Mâu tơdroăng ki châ tơ-[rê dêi kong pơlê, jâ Đặng Thị Ngọc Thịnh kheăn kơdeăn mâu hnoăng kơdo mơ-eăm dêi kong pơlê Dak Nông, pói vâ Dak Nông pơtối tơmâng troh tơdroăng gak kring, gak ngăn pơlê pơla, xăm kơklêa kơdroh kơtiê, rơtế a mê ai mâu troăng hơlâ ki tơtro vâ tơleăng i nhên tơdroăng kuăn pơlê ing tíu ê mot ối hmâng vâ.

Kăn xiâm pho\ hnê ngăn tơnêi têa xuân pơkâ thế kong pơlê tơku\m tung tơdroăng hơ’lêh pro hlá mơ-éa, pro tơ’lêi hlâu vâ kum ăm khu tê mơdró, kuăn pơlê po rơdâ pêi chiâk deăng, tê mơdró.

Tơdrêng amê, kong pơlê kal kơdo mơ-eăm tiô pơkâ, ki rơhêng vâ tối cho pơkâ ‘na hơ’lêh pêi chiâk pêi deăng, ‘na pêt kong, rak kong; pơtối pêi  pro tro mâu tơdroăng pơkâ dêi Tơnêi têa.

A Sa Ly tơplôu [a\ tơbleăng