VOV4.Sêdang - Kơxê lơ 13/10, a tíu pêi cheăng xiâm dêi Khu kăn hnê ngăn Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng trâm mâ mâu kuăn pơlê ki pêi chiâk pêi deăng rơkê tung plâ 30 hơnăm hơ’lêh nếo.

Veăng ai mâ amê, ai 87 ngế ki pêi chiâk pêi deăng rơkê kơhnâ má môi, xua Khu xiâm pơkuâ ngăn ‘na mơngế pêi chiâk deăng Việt Nam tơru\m [ă koh pơ-eăng tro klăng 87 hơnăm hâi mơjiâng khu ki kố.

Xông tơpui a roh trâm mâ, pôa Nguyễn Phú Trọng ai tối nhên, tơnêi têa pin cho tơnêi têa ki pêi chiâk pêi deăng, xua mê, tơdroăng pêi chiâk deăng [ă kuăn pơlê ki hriăn pêi chiâk deăng cho mâu tơdroăng ki kal păng ‘nâng.

Việt Nam ing môi tơnêi têa ôh tá bê kế kâ, mơnhông hiăng chiâng môi tơnêi têa ki châ tê hên dêi báu phái troh a mâu kong têa ki hdrối nah ôh tá vâ rôe dêi Việt Nam.

Kăn xiâm pơkuâ hnê ngăn Đảng pói rơhêng vâ khu pơkuâ cheăng, mâu ngế phá xêh ki châ tơnêi têa pơ-ôu roh kố, xuân môi tiah mâu kuăn pơlê pêi chiâk deăng tung lâp tơnêi têa pơtối mơnhông hnoăng cheăng ki hiăng châ chiâng pêi pro, ing tơná rơnáu dêi xêh, hlê klê ple\ng dêi xêh, veăng ‘no dêi hnoăng cheăng hên tâ mê nếo vâ mơnhông tơdroăng pêi chiâk deăng ki châ mơnhông mơdêk tung lâp luô tiô túa ki tơtro rơxông nếo, krá kâk, mơjiâng thôn pơlê hloh hlê rơkê ple\ng tiô chal nếo.

Nhat Lisa tơplôu [ă tơbleăng