VOV4.Sêdang - Pôa Ram Nath Kovin, Kăn xiâm pơkuâ kong têa Ấn Độ [a\ kơdrâi pôa pơxiâm roh lăm pôu râ Tơnêi têa Việt Nam sap hâi lơ 18 – 20/11, tiô rơkong krếo thế dêi pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa.

Kố cho roh lăm pôu pêi cheăng râ kăn xiâm Tơnêi têa apoăng dêi pôa Ram Nath Kovind troh a Việt Nam [a\ xuân cho roh apoăng troh kơpong châu Á sap ing to pro Kăn xiâm pơkuâ kong têa a khế 7/2017.

Roh lăm pôu pêi cheăng ai pơxúa kal khât tung tơdroăng pơtối mơnhông tơru\m cheăng tu\m têk pơla Việt Nam - Ấn Độ dế tơtêk le\m. Tung hâi lơ 19/11, pôa Ram Nath Kovind [a\ kơdrâi pôa lăm pôu tíu chôu ‘măn tơmeăm ton nah, tơmeăm pong rơgi loăng Chăm Đà Nẵng, lăm pôu kơpong tơbâ thôt Mỹ Sơn, tơring Duy Xuyên, kong pơlê Quảng Nam. Kơmăng ki mê, Khu kăn pơkuâ pơlê kong kân Đà Nẵng ai roh tơdah pôa Ram Nath Kovind.

A Sa Ly tơplôu [ă tơbleăng