VOV.Sêdang - Vi [an hnê ngăn kong pơlê Lâm Đồng nếo hôp tiah hmâ mơnhên tối tơdroăng cheăng kâ rêh ối pơlê pơla khế 10 [ă pơkâ hnoăng cheăng khế 11 hơnăm 2017.

Tung khế 10, tâi tâng kơxo# liăn xo hnoăng mơhá ing tơnêi a Lâm Đồng tiô riân ngăn châ 438 rơtal liăn. Mâu tơdroăng cheăng ki mơhno túa le\m tro, hnê hriâm, khăm pơlât, tăng cheăng pêi, tơdroăng rêh ối pơlê pơla pơrá tơniăn.

A khế 11, Lâm Đồng mơnhên pơtối mơdêk hnê mơhno, hbrâ mơdât oâ hdrong kâ ‘nhiê a hdrê loăng pêt, pơreăng mơnăn păn, tơtro\ng mơnhông mơdêk pêi chiâk deăng xúa kơmăi kơmok chal nếo.

Pơtối pơkâ tơleăng mâu tơdroăng xơpá tung mơjiâng, tê mơdró, pro tơ’lêi hlâu ăm khu mơdró kâ châ mơnhông mơdêk. Tơdrêng a mê hnối pơkâ tơleăng mâu tơdroăng tơkêa ôh tá tối tơbleăng tiô pơkâ mơ’no, pêi pro tro mâu troăng hơlâ rêh ối pơlê pơla, rak tơniăn ivá châ chăn ăm kuăn pơlê, mơnhông mơdêk hnê hriâm, mơhno túa le\m tro nge# thuât.

‘Na túa hơ’lêh hlá mơéa, pơtối mơdêk tiô tơdroăng pơkâ môi pâ [ă mâu tơdroăng pơkâ a mâu kơ koan chêh bro hlá mơéa tơnêi têa [ă a kong pơlê. Pơtối mơdêk xo hnoăng mơhá liăn, mơdêk hnoăng cheăng séa ngăn, hbrâ mơdât tơdroăng ki ôh tá nâp hnoăng liăn mơhá.

Katarina Nga tơplôu [ă tơbleăng