VOV4.Sêdang - Tiô tơdroăng hnê tối dêi Khu xiâm hnê mơhno tơnêi têa ‘na hbhrâ mơdât xía vâ xúa kong prâi pro, riân troh a kơmăng lơ 15/9, khía mơhot kân roh má 10 hiăng pro 4 ngế hlâ [ă 8 ngế tro rong.

Ai lối 50 rơpâu toăng hngêi tro tơ’nhê, tro têa lân luô. Hên mâu hngêi trung hriâm, mâu hngêi pêi cheăng hiăng tro khía pro tơtêa kuâ, rơlâm tơhnâp. Môi to trăng hrik ‘no um tơvi dêi pơlê kong krâm Kỳ Anh, kong pơlê Hà Tĩnh hiăng tro tơđôu, lối 3 rơpâu to trăng on tơhrik tro kơtong; Ai 4 toăng tuk tro krăm a Quảng Ngãi; hên mâu kơ’noăng ki kâng k^ng têa kơx^ a mâu kong pơlê Nghệ An, Nam Định hiăng tơ’noh.

Tung kơmăng lơ 15/9, pôa Nguyễn Xuân Phúc, Ngế pro xiâm hnê ngăn tơnêi têa hiăng lăm ngăn, pơkuâ hnê ‘na tơdroăng ki ‘mâi mơnhông tơdroăng rêh kâ ối dêi kuăn pơlê klêi kơ’nâi tro khía mơhot kân roh má 10 plong mot a kong pơlê Quảng Bình. Ngế pro xiâm hnê ngăn pơkâ thế, ôh tá ăm kuăn pơlê ti ai hngêi ối [ă tro kơklêa, khăng têa.

Pôa Trịnh Đình Dũng, Ngế pro xiâm pho\ hnê ngăn pơtối lăm ngăn, pơkuâ hnê ‘na rêm khu râ, kơvâ cheăng veăng pêi mâu hnoăng cheăng vâ ‘mâi mơnhông tơdroăng rêh kâ ối dêi kuăn pơlê klêi kơ’nâi tro khía mơhot kân plong mot, têa rơlêa kân lân lu a kong pơlê Hà Tĩnh.

Mâu khu râ, kơvâ cheăng xiâm ki ai tơdjâk xuân hiăng tơru\m krá tơniăn [ă mâu kong pơlê tung hnoăng cheăng hnê ngăn, vâ hbrâ mơdât xía vâ, to\ng veăng, ‘mêng rơnêu bro mâu tơmeăm khoăng, hngêi trăng klêi kơ’nâi tro khía mơhot kân plong mot.

Mâu kong pơlê, pơlê kong kơdrâm pơtối tí tăng séa mơnhên ngăn troăng prôk dêi khía mơhot kân roh má 10, malối kong mêi kân; mơhnhôk thế rêm khu râ veăng ‘no mơngế to\ng kum kuăn pơlê ‘mâi rơnêu hngêi trăng, tơniăn tơdroăng rêh kâ ối; thâ re\ng ‘mêng mâu kơ’noăng kâng kơdât k^ng têa kơx^, têa long; ‘mâi tâp trăng, hnhâng troăng kơxái on tơhrik, troăng kơxái phôn; ‘mâi kơpuih văng mâu loăng ki tơđôu, kơtong, tơlâk, gu tah lôi mâu hmốu, tơnêi, prêi, loăng, ki pro xok drô mâu troăng prôk; pro mơgrúa tơnêi tơníu vâ hbrâ mơdât pơreăng tâ tú. Pơkuâ ngăn, hnê thế ‘na tơdroăng ki rak mơ’no têa ing mâu long rơchôa têa ing mâu hngêi kơmăi on tơhrik, rak vế tơniăn ăm mâu tơmeăm khoăng, mơdât tơdroăng ki têa luô a kơpong peăng hdroh, ai tơdjâk troh pơlê pơla, klâng chiâk dêi kuăn pơlê.

Nhat Lisa tơplôu [ă tơbleăng