VOV4.Sêdang - Khu xiâm pơkuâ ngăn ’na Đảng nếo chêh pơtroh hlá mơ-éa thăm mơdêk tơdroăng séa ngăn hdrối vâ rah ’mot mơngế mot đảng viên, hnối séa ngăn, mơnhên khât mâu ngế ki ôh tá tơxâng ing hnoăng cheăng đảng viên lo ing Khu Đảng. Tung hlá mơ-éa mê tối nhên, mâu hơnăm achê pơla kố, kơxo# mơngế đảng viên ki nếo mot hiăng tâk hên, tơdroăng ki hriâm rơkê dêi mâu đảng viên ki nếo rế hía rế kân.

Maluâ tiah mê, tơdroăng cheăng ki rah xo mơngế mot đảng viên [ă séa mơnhên ngăn, tăng rah đảng viên tung mâu khế hơnăm hiăng luâ tá hâi teăm tro tơdroăng, hlo ai tơdroăng ki ti tăng rah xo hmâng to lo vâ, bu tăng hên mơngế, la tá hâi teăm séa ngăn nhên tơdroăng ki rơkê păng ’nâng lơ ôh. Khu xiâm pơkuâ hnê ngăn hiăng pơkâ thế mâu khu râ Đảng, khu pơkuâ ngăn cheăng Đảng kal tơku\m pêi pro 7 hnoăng cheăng xiâm; veăng mơjiâng mơnhông cheăng Đảng krúa le\m, krá rơdêi, ‘mâi mơjiâng hiâm mơno dêi kuăn pơlê.

Tơku\m mơdêk hiâm mơno ki hlê ple\ng xêh, mơjiâng khu đảng viên păng ‘nâng cho mâu khu ngế ki djâ troăng ahdrối, ai tuăn mơno le\m tơdrăng, pôu râng hnoăng cheăng kơhnâ khât, achê [ă kuăn pơlê; ’Mâi rơnêu tơdroăng ki tăng rah xo mơngế mot đảng viên, mơdât tơdroăng ki hmôu pơ rah xo hên ngế, ôh tá ngăn nhên tơdroăng ki rơkê khât lơ ôh; Thăm mơdêk tung hnoăng cheăng pơkuâ ngăn, hnê hriâm ăm đảng viên; Pêi pro tơdrăng khât tung hnoăng cheăng séa mơnhên ngăn, tăng rah mơngế ăm châ mot Đảng, kho\m tah lôi mâu ngế đảng viên ki ôh tá hloh hlê rơkê ple\ng, ôh tá tơdrăng le\m, ôh tá kơhnâ krâu tơdroăng cheăng lo ing Đảng.

Nhat Lisa tơplôu [ă tơbleăng