Rêh ối a pơlê Mêra, cheăm Quảng Tân, tơring Tuy Đức sap ing hơnăm 2006, klêi lối 10 hơnăm tơkôm mê troh nôkố eăng bâ dêi on tơhrik tơnêi têa hiăng troh [ă rơpo\ng jâ Hoàng Thị Dương [ă lối hr^ng rơpo\ng kuăn pơlê ki ê. Hdro pế hmê [ă on tơhrik, hdro pế têa tô [ă on tơhrik cho mâu kế tơmeăm xúa ki kal ki rơpo\ng jâ nếo klêi roê. Kơnôm ing ai on tơhrik tơnêi têa mê kơd^ng châ hên chôu phut tâ tâng pơchông [ă hdrối kố nah.

Tá hâi ai on tơhrik kơxái mê á xúa on tơhrik hyôh mâ hâi, bu vâ ‘no on ăm gá bâ eăng, nôkố hiăng ai on tơhrik á châ pế hmê, hrik têa [ă on tơhrik, sap ing hâi ki ai on tơhrik á hlo tơdroăng rêh ối niân tâ, prôk lăm ai on tơhrik, mơnhông mơdêk cheăng kâ, pro ki klâi xuân hlo xông tơtêk tâ.

Xuân môi tiah rơpo\ng jâ Dương, pôa Điểu Brăng, ối a pơlê Mêra, phiu niu drêng on tơhrik tơnêi têa hiăng châ toi troh a pơlê. Pôa Điểu Brăng ăm ‘nâi, ai on tơhrik cho tơdroăng tơmiât sap ing ton nah dêi vâi krâ nho\ng o hiăng châ ngăn tơvi, vâi hdrêng châ hriâm tung tơdroăng ki bâ eăng dêi on tơhrik. Vâi krâ nho\ng o bố bố xuân phiu ro, hmiân tuăn pêi cheăng kâ, kơdroh tah hrâ mơnguâ xăm kơtiê. Pôa Điểu Brăng, pơlê  Mêra, cheăm Quảng Tân, ăm ‘nâi:

Ai on tơhrik cho ai hên tơdroăng ki pơxúa ăm rơpo\ng, hdrối nah, tá hâi ai on tơhrik dêi tơnêi têa á roê xêh on tơhrik mâ hâi, nôkố ai on tơhrik á phiu ro khât, châ roê hdro pế [ă on tơhrik, xo ah hmôi toi kơxái on tơhrik hrik ăm tơdroăng ki xúa tung rơpo\ng hngêi gá tơ’lêi hlâu tâ, mơnê tơnêi têa hên.

Kế tơmeăm ki bruô ăm on tơhrik a pơlê Mêra ối tung tơdroăng tơkêa 2081 dêi Ngế pro xiâm hnê ngăn Chin phuh hbru ăm thôn pơlê sap ing on tơhrik tơnêi têa kơjo kum ăm cheăm tơkăng kong [ă kơpong ki malối xơpá hneăng hơnăm 2015 -2020. Kế tơmeăm kố [ă xúa ivá on ki têi  220 KV hbru on tơhrik ăm 135 rơpo\ng kuăn pơlê.

Ngoh Lê Đình Thanh, ngế pơkuâ tôh on tơhrik cheăm Quảng Tân -Dak Rtih, tơring Tuy Đức, ăm ‘nâi, klêi kơ’nâi ai on tơhrik tơnêi têa, vâi krâ nho\ng o kal ai mâu tơdroăng pêi pro vâ ‘nâi nhên ‘na on tơhrik, xúa on tơhrik tơniăn, tơ-[rê. Xua mê, tung rôh apoăng, tôh on tơhrik cheăm Quảng Tân-Dak R’tih hmâ lăm troh a pơlê vâ hnê mơhno ăm vâi krâ nho\ng o túa ki xúa on tơhrik tơniăn, châ tơ-[rê:

Vâi krâ nho\ng o a kố pá khât ‘na on tơhrik, nah troh nôkố vâi tá hâi xúa on tơhrik drêng lâi oh xua mê ôh tá hmâ, nôkố nếo ai on tơhrik rôh ki apoăng vâi ôh tá ‘nâi xúa. Mê tơdroăng ki krâ ‘măn on tơhrik kố, hnê mơhno vâi xúa on tơhrik tơniăn, kơd^ng [ă nho\ng o ngin đi đo lăm troh hnê mơhno ăm vâi krâ nho\ng o’’.

Mêra cho pơlê ki malối xơpá dêi cheăm Quảng Tân, tơring Tuy Đức. Pơlê kơtăn ing dế tơring dâng 40 km, nôkố ai lối 135 rơpo\ng kuăn pơlê rêh ối, ki hên cho hdroâng kuăn ngo a kố bu xúa on tơhrik hyôh tô trâ mâ hâi vâ ‘no ăm bâ eăng. Drêng ai on tơhrik tơnêi têa, vâi krâ nho\ng o phiu ro khât, on tơhrik hiăng vêh troh a pơlê pro ai pơxúa kal khât tung tơdroăng rêh ối rêm hâi, mơdêk cheăng kâ [ă mơnhông tơdroăng rêh ối ăm kuăn pơlê a tíu kố. Pôa Bùi Đức Thắng, kăn pơkuâ Chi [o# pơlê Mêra, cheăm Quảng Tân, ăm ‘nâi:

Châ tơdroăng ki tơmâng ngăn dêi Đảng, tơnêi têa hiăng kum ăm pơlê ki ối kơtiê xơpá kố, vâi krâ nho\ng o pá khât troh nôkố hiăng ai on tơhrik tơnêi têa xúa. Sap ing hâi ki ai on tơhrik troh nôkố mê vâi krâ nho\ng o djâ dêi rơpó roê kế tơmeăm ki vâ xúa tung hngêi, ai tơ’nôm tơdroăng ki rơkê ple\ng, châ hmâng tơ’nôm tơdroăng ki tối tơbleăng sap ing mâu um tơvi, rơ’jiu. Sap ing hâi ki ai on tơhrik mê vâi krâ nho\ng tung hên rơpo\ng hiăng hrik têa tôh kơphế [ă tiu, kum kơdroh hâi pêi cheăng, ai tơ’nôm chôu vâ pêi tơdroăng cheăng ki ê, mơnhông mơdêk cheăng kâ tung rơpo\ng hngêi.

Eăng bâ dêi on tơhrik vêh troh a pơlê Mêra, cheăm Quảng Tân hiăng kum kơdroh tah hrâ mơnguâ, kơtiê xơpá tâi ăm thôn, pơlê; on tơhrik tơnêi têa a tơring Tuy Đức cho ivá kum tơring kố châ pêi pro  tơdroăng pơkâ kơdroh tah hrâ mơnguâ kơtiê xơpá, mơdêk tơdroăng rêh ối rơkê ple\ng ăm kuăn pơlê vâ tơdjuôm ivá veăng mơjiâng thôn pơlê nếo.

            Hoàng Qui chêh

Katarina Nga tơplôu [ă tơbleăng