Ing tơdroăng kơdo mơ-eăm ôh tá la lâi pơtê, tơkâ luâ tơdroăng pá puât, kăn [o# mâu lêng Đo#i K51 hiăng pê klêi hnoăng cheăng pơcháu lăm tăng rôu kơxêng kiâ dêi lối rơpâu ngế lêng Việt Nam ki hlâ drêng tơplâ a kong têa Kul vâ djâ vêh a tơnêi têa.

Vâ mơhnhôk pơtối mơnhông tiô khôi vâi krâ, pleăng hnoăng cheăng, tơxâng inâi Mô đo#i Pôa Hồ, mâu hơnăm hiăng hluâ, {ơrô kal kí – Khu xiâm pơkuâ lêng kong pơlê Dak Lak đi đo tơtro\ng tơdroăng mơhnhôk, pơtâng tối, hnê hriâm hiâm mơno [a\ teăm mơhnhôk tơdrêng mâu tơdroăng pêi ki pơxúa troh rêm ngế kăn [o#, mô đo#i Đo#i K51. Xua mê, rêm ngế kăn [o#, mô đo#i tung đông pơrá thăm pôu râng hnoăng chea\ng, kơhnâ veăng tung tơ’noăng kho\m [lêi trâng, pêi kêi hnoăng cheăng châ pơcháu.

Môi tiah Trung u\i Văn Công Nhân, cho môi ngế lêng ai tơdroăng rêh ối pá puât. Mâu hơnăm hiăng hluâ, ngoh đi đo thế hơngế dêi hngêi, rơtế [ă pú mô đo#i lăm lâp kơpong kong ngo hơngế hơngo tơnêi têa pú hmâ Kul vâ pêi hnoăng cheăng.

A hngêi – cheăm Ea Bhôk, tơring }ư Kuin, kơdrâi [a\ kuăn ối ku\n dêi ngoh ối a hngêi mung xua tá hâi hngêi ối tơniăn. Pơla kố nah, Khu pơkuâ lêng kong pơlê Dak Lak [a\ Ko\ng ti hyôh phôn khu lêng Viettel tíu mơjiâng pro a Dak Lak ing tơdroăng ‘’hngêi ki tơrá 100 liăn’’ (tơlo ing tin nhắn phôn râng ko\ng) hiăng mơjiâng pro môi toăng hngêi ăm mô đo#i Văn Công Nhân.

Tơdroăng  mơhnhôk to\ng kum teăm tơdrêng kố kum ngoh hmiân tuăn pêi cheăng, pêi kêi đeăng hnoăng cheăng châ pơcháu. Ngoh cho mơngế mô đo#i ki rơkê châ kheăn kơdeăn tung đông hiăng pêi pro roh mơhnhôk pơtối pêi hnoăng cheăng, pleăng hnoăng cheăng, tơxâng cho Mô đo#i Pôa Hồ. Trung u\i Văn Công Nhân, Khu mô đo#i ti tăng kơxêng kiâ mô đo#i K51, tối:

‘’Tơdroăng pêi cheăng đi đo hơngế hngêi, hngêi ối tá hâi ai mê xuân pá puât ăm kơdrâi kuăn. Troh nôkố mơnê râ kơ-êng [a\ mâu đông ki to\ng kum ăm rơpo\ng ngin ai hngêi. Cho tơdroăng mơhnhôk á hmiân tuăn, á xuân môi tiah kơdrâi kuăn hmiân tuăn vâ pêi cheăng’’.

Pơtối mơnhông khôi túa le\m tro dêi Mô đo#i Pôa Hồ, [a\ tơdroăng hnê tơdjâ ‘’Ôu têa pâ kơnho\ng’’, ‘’kâ plâi pâ mơngế ki pêt loăng’’, Khu K51 hiăng thăm ti tăng, djâ vêh a pơlê mâu mô đo#i ki hlâ tung tơplâ xâ a tơnêi têa [a\ kong têa ê, vâ djâ mâu mô đo#i vêh [a\ dêi nho\ng o, vêh [a\ tơnêi nôu Việt Nam. Kơdró chêng mơngế lêng Khu K51 hiăng hró lâp lu mâu kơpong hơngế hơngo, lâp kơpong kong têa Kul.

Vâ pêi kêi đeăng hnoăng cheăng, mâu mô đo#i K51 thế tơ’noăng [a\ hâi khế, xua hơnăm khế hiăng hluâ, mâu tơdroăng châ ‘nâi ‘na tơnâp kiâ mô đo#i rế hía rế iâ, mâu tơnâp kiâ mô đo#i châ ‘mé a kơpong hơngế hơngo, kong ngo lơ tíu ki rơnâk [a\ ki ê hía, thăm rế pro pá puât tung tơdroăng ti tăng chiâ. Kăn [o#, mô đo#i K51 tung kong pơlê, troh rêm kơtâu, pơlê a tơnêi têa pú hmâ Kul, ti tăng kơ-êng rêm tíu, mơnhên [a\ tơku\m djâ vêh kơxêng kiâ. Thie#u tă Phan Tấn Đại, Kăn pơkuâ Khu K51 kong pơlê Dak Lak mơnhên:

‘’Khu hnê mơhno lêng, râ kăn Đảng kho\m mơ-eăm ăm kăn [o# lêng, mơjiâng ivá ru\m môi tuăn tung khu lêng. Vâ rêm khu ngế, khu pú hên, khu cheăng mơnhên tơdroăng mơ-eăm tung pêi cheăng, ti tăng chiâ kơxêng kiâ [a\ ki ê hía’’.

Pêi tiô troăng tơdjâ hiâm mơno Pôa Hồ tơkâ hluâ pá puât, ai tuăn hiâm chân, pêi cheăng kơtăng, tung mâu hơnăm hiăng hluâ, khu K51 đi đo pêi kêi đeăng hnoăng cheăng, ti tăng [a\ djâ rơpâu kơxêng kiâ mô đo#i ki pleăng hnoăng cheăng Việt Nam vêh tơnêi têa tơniăn le\m.

Sap hơnăm 2014 troh nôkố, chi [o# Khu K51 đi đo krúa le\m ó rơdêi; đông hiăng 3 hơnăm pơtối châ khu pú hên ki rơkê tơ’noăng kho\m [lêi trâng. Pơla kố nah, Khu K51 – Khu xiâm pơkuâ lêng kong pơlê Dak Lak hiăng châ Ngế pro xiâm hnê ngăn Chin phuh diâp [âng kheăn kơdeăn ‘na rơkê tung hriâm tâp [a\ pêi tiô troăng tơdjâ hiâm mơno Pôa Hồ Chí Minh. Khu pú hên kăn [o#, mâu mô đo#i K51 Dak Lak hiăng pơtối mơnhông tiô khôi tiah hmâ, pleăng dêi hnoăng cheăng, tơxâng cho Mô đo#i Pôa Hồ.

Thế Thắng chêh

A Sa Ly tơplôu [a\ tơbleăng