VOV4.Sêdang – Kơxo hâi lơ 4/4, khu kăn dêi Khu xiâm ngăn ‘na cheăng kơmăi-tê mơdró kâ tơnêi têa, xua pôa Trần Tuấn Anh pơkuâ xiâm hiăng pêi cheăng [ă Vi [an hnê ngăn kong pơlê Dak Nông ‘na mơnhông pêi cheăng kơmăi kơmok, tê mơdró kâ [ă tơdroăng pơkâ pêi pro tơdroăng tơkêa bro Bauxite a kong pơlê kố.

Tiô tối tơbleăng, tung hơnăm 2018, kơlo ki pêi cheăng [ă kơmăi dêi kong pơlê Dak Nông tâk châ 15% tâng vâ pơchông ngăn [ă hơnăm 2017, ki kơnâ dêi tơdroăng pêi cheăng kơmăi châ vâ chê 9 rơpâu rơtal liăn, tung mê, ai mâu kế tơmeăm ki pêi lo châ hên, môi tiah Alumin châ 650 rơpâu ta#n, mơjiâng on tơhrik ki pêi cheăng châ lối 1.500 rơtuh kWh, uâ mơdiê kloăng kơphế châ 250 rơpâu ta#n.

Pôa Trần Tuấn Anh Ngế xiâm pơkuâ cheăng pêi cheăng a kong pơlê Dak Nông

Tiô mâu kơvâ cheăng dêi kong pơlê Dak Nông tối, kong pơlê hiăng tơ’lêi hlâu vâ mơnhông Dak Nông chiâng tíu xiâm ki chiâ xo bauxite-nhôm, mơjiâng bro meăm dêi Việt Nam troh a hơnăm 2035 ah, klêi mê, pơkâ hnoăng pro troh a hơnăm 2025 ah nếo.

Vâ pêi pro tiô túa cheăng ki kố, kong pơlê hiăng pâ thế Chin phuh ‘no liăn mơjiâng pro troăng rơxế lơtreng ki chiâng hên túa chơ kế tơmeăm [ă mơjiâng mâu troăng kân, tơdrăng tơdjêp pơla mâu kong pơlê Tây Nguyên [ă mâu kong pơlê ki kân peăng Hdroh tơnêi têa; pâ phep tơnêi têa ‘mâi rơnêu bo cheăng Dak Per chiâng bo cheăng lâp plâi tơnêi vâ kum ăm kong pơlê thăm châ mơdêk tơdroăng mơjiâng  hngêi trăng, troăng klông ki kân, krá tơniăn dêi kơpong tíu tơkăng kong.

Gương tơplôu [ă tơbleăng