VOV4.Sêdang - Kơxê lơ 23/6, a hngêi hôp kân Đảng kong pơlê, mê kong pơlê Lâm Đồng hiăng tơku\m po hneăng hôp tơpui tơno [a\ mâu khu tê mơdró, khu tơru\m cheăng tung kong pơlê.

Lâp kong pơlê nôkố ai lối 6.000 khu tê mơdró pêi cheăng a hên kơvâ cheăng [a\ tâi tâng kơxo# liăn mơ’no cheăng lối 47.000 rơtal liăn, ai 210 khu tơru\m cheăng tung mâu kơvâ chiâk deăng, mơjiâng pro, kơmăi kơmok, tê mơdró [a\ hên ki ê hía.

Khu kăn hnê ngăn kong pơlê Lâm Đồng tơpui [ă khu mơdró kâ

Mâu hơnăm achê pơla kố khu tê mơdró tung kong pơlê hiăng veăng pêi hên tung mơnhông mơdêk cheăng kâ-rêh ối pơlê pơla, tăng vâ chê 60.000 tơdroăng cheăng, kum pêi lo liăn ăm hnôu liăn kong pơlê hơnăm 2016 ai 4.755 rơtal liăn.

Tâ tá roh hôp

A hneăng hôp, mâu khu tê mơdró hiăng tơpui tối hên ‘na mâu troăng hơlâ to\ng kum ối hrá, tơdroăng mơ’no liăn cheăng hngêi trăng, troăng klông, kơpong ôm hyô tá hâi tơxâng, pro mơ-éa ối tơvâ tơvân, pro pá ăm khu tê mơdró.

A Sa Ly tơplôu [ă tơbleăng