VOV4.Sêdang - Xông tơpui ahdrối pơxiâm po roh hôp tâi tâng má pái dêi Ho#i đong Khu lâp kong têa hneăng 73, ai mâ dêi mâu kăn teăng mâ 193 kong têa ối tung Khu lâp kong têa, jâ María Fernanda Espinosa, Kăn xiâm hnê ngăn Grup pơkuâ Khu lâp kong têa hiăng tơbleăng ‘na tơdroăng pôa Trần Đại Quang, Kăn xiâm hnê ngăn tơnêi têa Việt Nam kơtê hiâm, tơdrêng amê, pơtroh rơkong veăng s^ng khéa troh rơpo\ng pôa Trần Đại Quang, Chin phuh [a\ kuăn pơlê Việt Nam, pâ thế mâu kăn teăng mâ veăng roh hôp mơdoh 1 phut kon ko kơ pôa Trần Đại Quang.

Hdrối mê, pôa António Guterres, Kăn xiâm chêh tôm xo rơkong Khu lâp kong têa hiăng tơbleăng tối s^ng khéa [a\ tơdroăng pôa Trần Đại Quang, Kăn xiâm hnê ngăn tơnêi têa Ko\ng hoa xah ho#i chuh ngiah Việt Nam kơtê hiâm.

{ơrô kăn chêh tôm xo rơkong Hlá tơbeăng Chin phuh Mih nếo tơbleăng tơdroăng pôa Donald Trump, Kăn xiâm pơkuâ kong têa Mih tối ‘na pôa Trần Đại Quang, Kăn xiâm hnê ngăn tơnêi Việt Nam kơtê hriâm.

Pôa Donald Trump hiăng teăng mâ kuăn pơlê Mih, pơtroh rơkong s^ng khéa troh rơpo\ng pôa Trần Đại Quang, Kăn xiâm hnê ngăn tơnêi têa [ă kuăn pơlê Việt Nam.

Tung rơkong tối tơbleăng dêi tơná, pôa Donald Trump chêh: ‘’Pôa Trần Đại Quang, Kăn xiâm hnê ngăn tơnêi têa Việt Nam cho môi ngế ki le\m má môi dêi Mih. Pôa hiăng tơdah á tung rôh lăm pôu khu râ kăn xiâm Tơnêi têa drêng á troh Hà Nội a khế 11/2017, [ă á mơnê pôa ‘na tơdroăng ki tơhrâ krê dêi pôa vâ pro trâu hơngế tơ’nôm tơru\m cheăng tơpui kâ tung tâi tâng pơla Mih [ă Việt Nam.

Hdrối mê, jâ Heather Nauert, ngế tơpui kâ tung Khu xiâm tơpui kâ Mih xuân hiăng ai rơkong tối tơbleăng ‘na pôa Trần Đại Quang, Kăn xiâm hnê ngăn tơnêi têa Việt Nam kơtê hiâm.

Pôa Raúl Castro Ruz, Kăn xiâm pơkuâ hnê ngăn má môi Đảng Ko\ng san Cuba hiăng pơtroh rơkong s^ng khéa troh pôa Nguyễn Phú Trọng, môi tiah kố: ‘’Á s^ng khéa ‘nâng drêng tâng tối pôa Trần Đại Quang, Kăn xiâm hnê ngăn tơnêi têa Việt Nam kơtê hiâm. Đảng Ko\ng san, kuăn pơlê Cuba [a\ á, pâ pơtroh rơkong s^ng khéa ‘nâng [a\ xuân pâ phêp pơtroh rơkong troh rơpo\ng, nho\ng o dêi rơpo\ng pôa Trần Đại Quang. Pôa Trần Đại Quang cho ngế pú hmâ dêi Cuba [a\ ngế kum thăm tơru\m cheăng pơla péa tơnêi têa.

Ho#i đong Tơnêi têa Cuba tối tơbleăng tơdroăng pơkâ ‘na mơdâm, tơbâ tung lâp tơnêi têa kố ‘na pôa Trần Đại Quang, Kăn xiâm hnê ngăn tơnêi têa hiăng kơtê hiâm.

Tung hlá mơ-éa tối tơbleăng ki châ mơ’no tối tung um tơvi tơnêi têa, Cuba tơku\m po mơdâm sap ing 6 chôu hâi lơ 22/9 tiô hâi kong têa kố, tơkéa vâ tối cho 17 chôu hâi lơ 22/9 tiô chôu Hà Nội troh 24 chôu hâi lơ 23/9, tơkéa vâ tối cho 11 chôu hâi lơ 23/9 tiô chôu Hà Nội. Tơdroăng tơku\m mơdâm po tung hâi lơ 24/9.

Tung pơla s^ng mơdâm, mâu hngêi pêi cheăng tơdjuôm [ă mâu tíu pêi cheăng lêng a Cuba chúa hlá cơ kơ’rop, ôh tá ai khu tơru\m ki lâi pêi  cheăng sôk ro, malối a mâu tíu ki ai kơdrâm mơngế ối tơku\m.

Gương prế A Sa Ly tơplôu [a\ tơbleăng