Pôa Y Diê {krông a pơlê Krông, cheăm Dur Kmăn, tơring Krông Ana tối tiah kố, sap ing Têt nah troh nôkố hâi ki lâi pôa xuân lo lăm ngăn dêi báu klâng. Thâ re\ng xế dêi báu, rơvât phon i bê [ă malối rak tơniăn kơnho\ng têa vâ ăm báu chiâng dâi le\m.

‘’Sap ing Têt troh nôkố, vâi krâ-nho\ng o ngin hiăng tơku\m kui trâp, văng nhâ drô thông, hno têa, mơdâ hdrê troh hâi 30 Têt nếo pơtê. ‘Na tơdroăng cheăng ki hbrâ ví xua kong prâi tô mơdrăng, vâi krâ akố xuân hiăng hbrâ dêi mâu kơmăi, cho, chiâ, tơbêng kơ’noăng kâng, báu chiâng dâi ngiât le\m. Dế nôkố, vâi krâ-nho\ng o dế xôh dêi pơkeăng vâ kơdê pơreăng. Pó xuân hlo tá, báu dế hnâng chiâng ngiât le\m’’.

Kuăn pơlê [ă khu pơkuâ a tơring Krông Ana kơhnâ hnê kuăn pơlê rak xúa têa

Pôa Nguyễn Văn Sanh, Kăn pơkuâ khu pêi cheăng tơru\m Thanh Bình tối ăm ‘nâi, ki hên tơnêi tíu a tơbăng klâng Dur Kmăn kố ối tung dế inúa ngo, ai tíu ki ‘nâ kơtăn ing têa Krông Ana lối 15 km. Khu pêi cheăng tơru\m mê hiăng [ă dế hbrâ hên troăng hơlâ vâ kum ăm báu bê têa vâ tôh klâng troh a mơ’nui rơnó.

‘’Khu [ang klâng a Tây Nguyên ôh tá tơbăng, mê hơnăm kố, hyôh kong prâi tô mơdrăng, mê Khu pêi cheăng tơru\m hiăng hnê kuăn pơlê kơdo mơ-eăm cho hno têa, chiâ thông têa vâ ai têa ‘mot tung rêm [ăng klâng, klêi mê, krâ ‘măn hên kơmăi hrik tôh têa. Troh nôkố, hiăng krâ ‘măn tơ’nôm 5 toăng kơmăi vâ tôh ăm lâp tơbăng klâng ki kân rơdâ kố, cho tơdroăng ki pá khât. Lăm tăng mơngế veăng gak ngăn a kơmăng vâ vâi kum tôh ăm klâng’’.

Tơbăng klâng báu Krông Ana thâ xế báu vâ bê têa a mơ’nui rơnó

Rơnó Xeăng Tô hơnăm kố, lâp tơring Krông Ana hiăng mơdâ hdrê lối 5 rơpâu 800 ha báu klâng. Tiô pôa Nguyễn Minh Đông, Kăn pho\ hnê ngăn Vi [an tơring Krông Ana vâ hbrâ ví xía vâ xua kong tô mơdrăng, sap apoăng rơnó nah, tơring hiăng ai hlá mơ-éa hnê tối mâu cheăm hnê mơhnhôk kuăn pơlê xúa têa athế ‘nâi kơd^ng, maluâ tơdroăng xúa têa vâ tôh ăm báu klâng [ă mâu loăng ton hơnăm [ă mâu tơbăng klâng ki hmâ tro khăng khoăng, Vi [an hnê ngăn tơring hiăng hnê mơhno kơvâ ngăn ‘na chiâk deăng hnê tối kuăn pơlê tá hâi teăm mơdâ hdrê, athế hơ’leh hdrê loăng ki ê vâ pôi tá tro lu\p kế tơmeăm.

Pôa Nguyễn Minh Đông tối ăm ‘nâi, tiô tối pơtâng hdrối, tơdroăng kong tô mơdrăng khăng khoăng hmâ hlo a mơ’nui rơnó Xeăng Tô, Vi [an hnê ngăn tơring hiăng mơ’no hên hlá mơ-éa pơkâ thế Ko\ng ti ngăn ‘na rơchôa-hno têa Krông Ana, 11 Khu pêi cheăng tơru\m ngăn ‘na rơchôa-hno têa thăm mơdêk hnoăng cheăng hbrâ mơdât tơdroăng xía vâ xua kong prâi tô mơdrăng khăng khoăng.

‘’Klêi kơ’nâi lăm ngăn păng ‘nâng a mâu tơbăng klâng dêi mâu cheăm, pơlê, hiăng hlo kong tô mơdrăng khăng khoăng ‘nâng. Ki xiâm dêi tơdroăng kố, xua hên roh kong mêi kân, têa rơlêa, lân lu, thăm nếo prêi hiu pro tơ’nhê xiâm kơnho\ng têa, malối a mâu têa kroăng, têa long, têa plông. Xua ti mê, Vi [an hnê ngăn tơring hiăng hbrâ kơxo# liăn vâ ‘mâi kui văng trâp, cho mơ’no têa ing tíu ‘măn kơmăi vâ ai têa tôh ăm mâu [ăng klâng. Troh chôu phut kố, a tơring xuân ối bê têa vâ tôh klâng’’.

Tuấn Long chêh

Nhat Lisa tơplôu [ă tơbleăng