VOV4.Sêdang - Cho môi tung hên tơdroăng pêi pro vâ koh tơbâ 91 hơnăm hâi mơjiâng khu vâi kơdrâi Việt Nam ƀă Hâi vâi kơdrâi Việt Nam lơ 20/10, a pơlê kong kơdrâm Kon Tum, Khu ngăn vâi kơdrâi kong pơlê Kon Tum hiăng tơkŭm po Hneăng hôp ăm vâi kơdrâi pơxiâm pê cheăng, tê mơdró, mơjiâng inâi rơtế ƀă tơmeăm pêi lo OCOP ƀă hôp mơgêi tơ’noăng vâi kơdrâi pơxiâm pêi cheăng hriăn plĕng ki nếo hơnăm 2021. kơ’nâi 4 hơnăm pêi tơdroăng tơkêa “Kơjo kum vâi kơdrâi pơxiâm pêi cheăng pơla hơnăm 2017-2025”, ai 9 tơdroăng tơmiât vâ pêi cheăng dêi vâi kơdrâi Kon Tum châ kâ pri a hneăng tơ’noăng pơxiâm pêi cheăng xua Tíu xiâm ngăn Khu vâi kơdrâi Việt Nam tơkŭm po; rêm râ khu tung kong pơlê, tơdjêp pêi 30 tơdroăng tơmiât pơxiâm pêi cheăng, mâu khu, mâu ngế kơdrâi ki veăng mơjiâng 34 tơmeăm pê lo OCOP dêi kong pơlê.

Tơbleăng tơmeăm pơxiâm pêi cheăng dêi khu vâi kơdrâi Kon Tum a hneăng hôp

A hneăng hôp, hên tơdroăng veăng tối dêi mâu kăn hiăng tối nhên tâ ‘na luât pơkâ tŏng kum vâi kơdrâi pơxiâm pêi cheăng, túa pêi cheăng tí tăng  tiú tê mơdró, tơbleăng tơmeăm pêi lo pơxiâm pêi cheăm.

Gương tơplôu ƀă tơbleăng