VOV4.Sêdang - Klăng mơd^ng tơbâ 70 hơnăm Kăch măng khế 8 [a\ hâi mơjiâng tơnêi têa lơ 2 khế 9, kơxo hâi lơ 18 khế 8, a pơlê kong kơdrâm Kon Tum, khu râ kăn pơkuâ Đoân droh rơtăm kong pơlê Kon Tum tơku\m hôp tơpui tơno dó inâi ‘’ A pâ nhoa#m Tơnêi á’’ veăng amê ai 200 ngế, cho mâu đoân viên, droh rơtăm, droh rơtăm pho#m xông kân ki rơkê tung mâu tơdroăng cheăng. A roh hôp tơpui tơno, droh rơtăm kong pơlê Kon Tum tối sôk ro khôi túa kăch măng dêi pơlê, tơnêi têa; loi tơngah khât tơdroăng pơkuâ dêi Đảng ko\ng san Việt Nam; mơnhên kho\m mơ-eăm tơ’noăng pâ nhoa#m tơnêi têa, tăng cheăng pêi, kum mơjiâng pơlê pơla tơnêi têa. Kố cho môi tung mâu tơdroăng cheăng dêi kong pơlê, vâ mâu droh rơtăm thăm hlê ple\ng khôi túa kăch măng. Nâ Phan Thị Thủy, kăn pho\ pơkuâ hnê ngăn cheăng Đoân droh rơtăm kong pơlê Kon Tum, ăm ‘nâi: Đoân viên droh rơtăm nôkố thế tơche\ng tơmiât tơdroăng rơxông nah tá hiêm mơno dêi tơná, ôh tá xê ngăn to ing mơ-éa, lơ um video. Khu pơkuâ cheăng Đoân droh rơtăm kong pơlê, Khu pơkuâ droh rơtăm Việt Nam kong pơlê Kon Tum ngin púi tơngah veăng kum vâ tâi tâng droh rơtăm pơtối rak vế ivá ó rơdêi dêi rơxông jâ poâ nôu pâ ki prôk hdrối nah hiăng khên tơnôu tung tơplâ xâ, pro tiah lâi droh rơtăm pơtối pêi hnoăng cheăng mê, ‘nâi tơmiât tro troăng prôk ki tơtro la ngiâ ăm dêi tơná.

A Sa Ly chêh [a\ tơbleăng