Hên hơnăm hiăng luâ, pêi pro tiô hnoăng cheăng Đoân droh rơtăm, hiăng xo râng hên hnoăng cheăng ki pơrá phá dêi pó, ngoh Y Linh Niê, hdroâng Rơđế, ối a pơlê kân Ea Pô], tơring }ư\ Mgar, kong pơlê Dak Lak hiăng ai hên troăng hơlâ hnê mơhno, mơhnhôk mâu đoân viên, droh rơtăm veăng pêi pro hnoăng cheăng dêi Đoân. Ngoh Y Linh Niê tối, rơhêng vâ châ tơru\m, châ tơku\m mâu vâi droh rơtăm, la ki ahdrối tâ kal djâ troăng rơkê kơhnâ tung pêi cheăng, xua ti mê, tơdrêng [ă tơdroăng thăm mơdêk hnoăng cheăng a pơlê cheăm, ngoh ối kơhnâ khât tơdroăng cheăng kâ dêi rơpo\ng hngêi.

Tơdroăng hriâm [ă pêi pro tiô Pôa Hồ hiăng châ kơdrâm kơdre\ng vâi droh rơtăm veăng pêi pro

Sap ing hơnăm 2013 troh nôkố, ki malối tung 2 hơnăm hiăng luâ, Y Linh Niê hiăng khên ‘no dêi to lâi hr^ng rơtuh liăn vâ po mơjiâng deăng pêt reăng. Tơdroăng ki pêt reăng ti xê to châ pêi lo hên kế tơmeăm, liăn ngân, tơniăn tơdroăng rêh kâ ối dêi rơpo\ng hngêi, mê ối veăng kum ăm 4 troh 10 ngế châ ai cheăng pêi đi đo a pơlê cheăm.

Mâu inâi ‘’khu droh rơtăm kơhnâ khât tung pêi pro tiô rơkong Pôa Hồ’’ hnê’’, ‘’Kăn xiâm pơkuâ hnê ngăn Chi đoân rơkê’’, ‘’Droh rơtăm kơhnâ khât tung tê mơdró kâ rơkê’’ xua kong pơlê [ă Khu kăn xiâm pơkuê hnê ngăn Đảng diâp ăm tung mâu hơnăm hiăng luâ hiăng kum ngoh Y Linh Niê ai tơ’nôm ivá cheăng kơdo mơ-eăm hên tâ nếo vâ veăng kum mơjiâng dêi pơlê cheăm rế hía rế mơnhông mơdêk hên tâ.

‘’{ă tơdroăng hriâm tâp [ă pêi pro tiô troăng hơlâ, hiâm mơno Hồ Chí Minh mê á tơmiât ôh téa êa pêi pro mâu tơdroăng cheăng ki lâi ki kân mê pin bu pêi pro tiô hnoăng cheăng dêi tơná. Ki má môi, cho tơdroăng to\ng kum ăm dêi tơná pêi lo liăn ngân, kế tơmeăm, ki má péa nếo tăng cheăng pêi ăm mâu vâi droh rơtăm, malối [ă mâu nâ o hdroâng kuăn ngo. Klêi kơ’nâi hên hơnăm tí tăng hriăn cheăng mê á hlo kơpong Dak Lak pin, pak^ng mâu hdrê loăng ton hơnăm mê ối kal athế mơdâ pêt mâu hdrê loăng ki iâ hâi, xua ai ti mê, nếo re\ng pêi lo liăn, ki má péa châ mơ’no tê hên a hngêi kơchơ’’.

Khu rơxông nếo Dak Lak tơdjuôm ivá hbrâ mơdât pơreăng Covid-19

Tơdroăng cheăng a Khu hnê mơhno cheăng Đoân droh rơtăm kong pơlê Dak Lak, nâ Nguyễn Thị Mai hiăng ai hên troăng hơlâ pơkâ cheăng, ki hlê ple\ng cho vâ hơ’leh nếo túa ki hnê mơhno tối, tơbleăng khe\n, hnê hriâm ‘na luât tung đoân viên droh rơtăm. {ă hnoăng cheăng ki hnê mơhno mê kal athế tơ’lêi hlê, tơ’lêi ple\ng xua nâ Nguyễn Thị Mai pâ thế mê hiăng châ mâu Khu râ Đoân a tíu cheăng hnê mơhno, veăng kum thăm mơdêk ki tơ-[rê tung hnê mơhno.

Tơdrêng amê, nâ Mai ối kơhnâ khât tung tí tăng hriâm, hlê ple\ng xêh tơdroăng cheăng, veăng mâu roh tơ’noăng kum ăm kăn [o# Đoân droh rơtăm tíu xiâm tơku\m po vâ tí tăng hlê ple\ng [ă mơhriâm xêh. Nâ Nguyễn Thị Mai tối ăm ‘nâi:

‘’Cho môi ngế đảng viên hơnăm ối nếo, pak^ng tơdroăng kơdo mơ-eăm pêi pro klêi hnoăng cheăng rêm hâi, mê tơná á xuân kơhnâ tung mơhriâm mơdêk tơdroăng ki hloh hlê rơkê ple\ng vâ ing mê kô châ chiâng pêi pro klêi hnoăng cheăng tơná. Tơdrêng amê, đi đo pơkâ mơ’no mâu tơdroăng ki hloh hlê nếo, po troăng hơlâ vâ mơdêk túa cheăng ki châ tơ-[rê tung hnoăng cheăng. Tơdrêng [ă tơdroăng mê, [ă mâu vâi pú tung kơ koan mê xuân kal ai tơdroăng tơru\m cheăng, achê dêi pó vâ mơjiâng chiâng hnoăng cheăng ki kân kum ăm tơdroăng cheăng dêi khu rơxông nếo kong pơlê châ mơnhông’’.

Tơdroăng hriâm [ă pêi pro tiô rơkong hnê tối dêi Pôa Hồ hiăng châ pơkâ pêi pro tơdroăng cheăng dêi rêm ngế, rêm khu râ

Vâ tơdroăng ‘’Hriâm tâp [ă pêi pro tiô hiâm mơno, tuăn tơmiât, túa cheăng Hồ Chí Minh’’ khoh châ po rơdâ lâp tíu, tơ’mot hên, kơdrâm kơdre\ng khu vâi droh rơtăm, mê mâu hơnăm hiăng luâ, Khu pơkuâ ngăn Đoân droh rơtăm hiăng thăm mơdêk tơdroăng tối pơtâng, hnê mơhnhôk, hnê mơhno, pơkâ troăng hơlâ ăm đoân viên droh rơtăm hriâm tâp [ă pêi pro tiô troăng hơlâ dêi Pôa Hồ.

Rêm hơnăm, Khu hnê mơhno cheăng Đoân droh rơtăm pơrá mơ’no mâu troăng hơlâ ki nhên, hnê mơhno mâu khu râ Đoân mơ’no hên túa cheăng ki hơ’leh nếo ‘na tơdroăng xiâm, túa pêi pro. Ing mê, thăm rế hlo ai rế hên túa cheăng ki tơtro, ki ‘ló, ki châ tơ-[rê; ai hên mâu khu, mâu ngế ki rơkê hiăng châ kơde\n khe\n.

Tung 3 hơnăm hiăng luâ, mâu râ Đoân droh rơtăm dêi kong pơlê Dak Lak hiăng mơjiâng châ lối 5 rơpâu 900 tơmeăm khoăng, mâu tơdroăng cheăng droh rơtăm ki pêi pro tiô rơkong hnê tối dêi Pôa Hồ a mâu cheăm kơtiê, tíu tơkăng kong, mâu pơlê cheăm hdroâng kuăn ngo; hâk kơde\n vâ chê 200 khu [ă vâ chê 900 ngế ki kơhnâ rơkê pêi pro tiô rơkong hnê tối dêi Pôa Hồ ing râ cheăm troh a kong pơlê. Kơnôm tiah mê, hiăng ai tơdjâk tơ-[rê khât troh tuăn tơmiât, túa cheăng dêi rêm ngế đoân viên droh rơtăm; thế khu rơxông nếo thăm kơhnâ mơ-eăm pêi pro mâu hnoăng cheăng ki tơ’noăng pâ nhuo#m tơnêi têa, veăng kum ăm tơdroăng mơnhông pêi cheăng kâ-rêh ối pơlê pơla dêi kong pơlê.

Nâ Phan Thị Trinh, Kăn pho\ pơkuâ hnê ngăn Đoân droh rơtăm kong pơlê Dak Lak tối tiah kố, mê cho troăng hơlâ vâ hriâm tâp [ă pêi pro tiô rơkong hnê tối dêi Pôa Hồ, mê khu rơxông hơnăm ối nếo Dak Lak rế hía rế pêi cheăng châ tơ-[rê hên luâ tâ.

‘’Tung la ngiâ, Khu kăn pơkuâ ngăn Đoân droh rơtăm kô pơkâ pêi pro [ă hnê djâ, pơkuâ ngăn troh tâi tâng mâu khu râ cheăng tung hriâm tâp [ă pêi pro tiô hiâm mơno, tuăn tơmiât, túa cheăng Hồ Chí Minh [ă vâ chê koh tơbâ 90 hơnăm hâi mơjiâng Đảng Ko\ng san Việt Nam [ă koh tơbâ 130 hơnăm hâi kot mâ Pôa Hồ.

Pơxiâm sap ing apoăng hơnăm, Khu pơkuâ ngăn Đoân droh rơtăm hiăng pơxiâm mơ’no hnoăng cheăng tơ’noăng dêi khu rơxông nếo tơdjêp [ă roh pêi pro tiô hnoăng cheăng pêi rêm hâi, pêi pro tiô hnoăng cheăng Đoân [ă tơdroăng cheăng dêi khu vâi droh rơtăm, vâi o pho#m vâ xông kân [ă mâu vâi hdrêng. Khu rơxông nếo kong pơlê Dak Lak kô ai hên troăng hơlâ, pêi dêi hnoăng cheăng khu khu droh rơtăm hiăng pơcháu, hnối hriâm tâp, [ă pêi pro tiô rơkong Pôa Hồ hiăng hnê pơchân’’.

Kơnôm ing tơdroăng hriâm tâp, pêi pro tiô troăng hơlâ, hiâm mơno Hồ Chí Minh [ă hnoăng cheăng ki ai khât dêi khu râ, kơvâ cheăng, rêm tíu cheăng Đoân pơrá hiăng chêh dêi inâi chêh mơjiâng môi tơdroăng, hnoăng cheăng; rêm ngế đoân viên droh rơtăm tơ’noăng rêm hâi ‘’pêi pro tiô rơkong Pôa Hồ’’ vâi pơrá pêi môi hnoăng cheăng tơná. Kố cho túa pêi pro ki tơtro, rơkê khât dêi khu rơxông nếo Dak Lak vâ thăm mơdêk hriâm tâp, pêi pro tiô troăng hơkâ Pôa Hồ a rêm râ Đoân. Ing mê, mơjiâng chiâng ivá ki ó rơdêi dêi hnoăng cheăng, thăm mơdêk ki hloh hlê dêi rêm ngế đoân viên, droh rơtăm, veăng kum ivá mơno tơná mot tung mơnhông pêi cheăng kâ, rêh ối pơlê pơla a pơlê cheăm tơná.

H’Xíu H’mok chêh

Nhat Lisa tơplôu [ă tơbleăng