VOV4.Sêdang - Tung hâi pêi cheăng má 3 a hâi lơ 6/10, Roh hôp má 6 Khu xiâm ngăn ‘na Đảng tơnêi têa hneăng 12, mê Khu xiâm ngăn ‘na Đảng tơnêi têa hiăng pôk tơ’nôm 2 ngế ki cheăng tung Khu kăn xiâm pơkuâ hnê ngăn Đảng hneăng 12, tung mê ai: Pôa Phan Đình Trạc, Ngế cheăng tung Tíu xiâm Đảng, xuân cho Ngế ngăn ‘na Khu pơkuâ ‘na kuăn mơngế, kế tơmeăm, liăn ngân dêi Đảng xiâm, Kăn pho\ pơkuâ ngăn Khu hnê mơhno cheăng Tơnêi têa ‘na hbrâ mơdât kâ kơluâ tơmeăm khoăng; pôa Nguyễn Xuân Thắng, Ngế cheăng tung Tíu xiâm Đảng, Kăn pơkuâ Hok vie#n hnê cheăng kal kí dêi tơnêi têa inâi Hồ Chí Minh, Kăn pho\ ngăn Khu tơpui leăng mơnhên dêi tíu xiâm Đảng.

Klêi mê, hnối pơkâ pơxâu phak pôa Nguyễn Xuân Anh, Ngế cheăng tung Tíu xiâm Đảng tơnêi têa, Kăn pơkuâ hnê ngăn Đảng pơlê kong kân Đà Nẵng, tiô túa: Tah lôi kơlo\ng Kăn pơkuâ hnê ngăn Đảng pơlê kong kân Đà Nẵng, Ngế cheăng tung Khu pơkuâ Đảng, Ngế cheăng tung Khu pơkuâ hnê ngăn Đảng [o# pơlê kong kân Đà Nẵng hneăng 2015-2020; xo mê nếo, hnối ‘no pơtê cheăng pro Ngế cheăng tung Khu xiâm pơkuâ hnê ngăn Đảng tơnêi têa hneăng 12.

Tiô kuăn pơlê tối ăm ‘nâi, mâu tơdroăng ki pro xôi, ai tơdjâk troh tơdroăng ki pro ôh tá tro dêi pôa Nguyễn Xuân Anh châ mơhno ăm hlo cho tơdroăng ki pơtối ‘mâi rơnêu tung hnoăng cheăng mơjiâng Đảng, rah xo mơngế cheăng pơkuâ hnê ngăn ‘na Đảng, ‘na pơkuâ cheăng pơlê kong kân, kong pơlê, tu\m tơdroăng ki vâ tăng rah xo mơngế ki pro pơkuâ kal athế i nhên [ă rơhí rơhó luâ tâ mê ‘nôi.

Nhat Lisa tơplôu [ă tơbleăng