VOV4.Sêdang - Kơxo lơ 7/4, Khu xiâm pơkuâ ngăn lêng tơku\m po Hneăng hôp ‘no tơdrêng tung um tơvi tối tơbleăng hnoăng cheăng, troăng hơlâ pêi pro tơdrêng hnoăng cheăng hbrâ mơdât pơreăng Covid-19. Troh nôkố, mâu tíu cheăng tung tâi tâng khu lêng hiăng tối tơbleăng 142 tíu klâ ối krê, pêi pro tơdroăng ki klâ ối klrê châ lối 66 rơpâu ngế, tung mê hiăng tâi hâi khế klâ ối krê ai 54.465 ngế.

Mâu khu cheăng lêng đi đo rak vế kơtăng mâu tơdroăng pơkâ ki hbrâ mơdât tâ tú ing ngế kố troh ngế ki tá tung kơpong klâ ối krê, mơdât tâ tú ăm khu lêng pêi hnoăng cheăng a tíu ki klâ ối krê. Troh nôkố, tá hâi ai ngế ki lâi tâ pơreăng Covid-19 tung tâi tâng khu lêng.

Rak tơniăn to\ng kum kế tơmeăm xúa, tơku\m ôu kâ tro, rak tơniăn krúa le\m kế kâ, ôh tá tro pôu ‘mêi kế kâ a mâu kơpong ki klâ ối krê. Hlo tơdroăng ki pơreăng Covid-19 pơtối ôh tá tơniăn, Thươ\ng tươ\ng Trần Đơn, kăn xiâm pho\ pơkuâ ngăn lêng hnê mơhno, mâu tíu cheăng tung khu lêng pêi pro kơtăng pơkâ a tíu klâ ối krê, pơtối pêi pro tro hnoăng cheăng séa ngăn mâu troăng tung kong, hơlâ troăng ki ku\n, hbrâ po mâu tíu klâ ối krê vâ hbrâ rơnáu tơdah xo kuăn pơlê ing kong têa  Kul [ă Lếo vêh ngi tơnêi têa.

Katarina Nga tơplôu [ă tơbleăng