VOV4.Sêdang - Klêi kơ’nâi hlá tơbeăng, rơ’jíu, um tơvi tối tơbleăng ‘na tơdroăng kong pơlê Kon Tum ko kếo 200 ha kong loăng hngó a tơring Kon Plong vâ pơcháu ăm khu mơdró pêt loăng macca, mê hâi lơ 31/8, Khu ngăn ‘na Chiâk deăng [ă Mơnhông thôn pơlê kong pơlê Kon Tum hiăng po hôp tối tơbleăng vâ mơnhên xiâm kối khoh chiâng ai tơdroăng kố.

A chôu phut hôp tối tơbleăng mê, Khu ngăn ‘na Chiâk deăng [ă Mơnhông thôn pơlê kong pơlê Kon Tum mơnhên tối, tơdroăng tơkêa bro hơ’lêh vâ chê 200 ha kong loăng hngó vâ pơcháu tơnêi ăm Ko\ng ti pêi cheăng tiô rơnó Đăng Vinh pêt loăng plâi macca a cheăm Đăk Long, tơring Kon Plong dế pêi pro tro tiô tơdroăng pơkâ dêi kong pơlê.

Kơpong ki vâ hơ’lêh kong loăng hngó ki hiăng xông kân ton châ 20 troh 25 hơnăm, la tung 1 ha bu ai sap ing 150 troh 300 xiâm loăng. Tâi tâng kơxo# tơnêi tíu ki kố châ hơ’lêh ăm tơdroăng tơkêa bro, ối tung kơpong ki pơkâ thế pêt 3.000 ha kong dêi kong pơlê Kon Tum ăm tơdroăng vâ mơnhông pêi chiâk deăng xúa kơmăi kơmok chal nếo, ôh tá ối  tung tơnêi ki vê hdró mơjiâng kơpong ôm hyô kong kế, nhâ loăng Măng Deăng [ă hdró vâ pro kơpho# dêi Kon Plong troh a hơnăm 2030 ah, mâu tơdroăng kố hiăng châ Ngế pro xiâm hnê ngăn Chin phuh ăm phêo, k^ pơkâ.

Nhat Lisa tơplôu [ă tơbleăng