VOV4.Sêdang - Kơxo lơ 17/3, khu ki pơkuâ rak ngăn kong dêi Ko\ng ti pêi cheăng tiô rơnó môi tung khu Pêt kong Đăk Tô, tơring Đăk Tô, kong pơlê Kon Tum châ hlo hên khu ki tong keo ko loăng kơto rơxế hon đa vâ chơ loăng ôh tá tro luât. Tơdroăng kố châ Khu ki pơtrui rak ngăn kong Đăk Tờ Kan dêi Lâm trường Đăk Tô châ hlo a luât má 12, poh 228 ối tung cheăm Đăk Trăm, tơring Đăk Tô. Châ hlo khu ki ai tơdjâk troh, khu ki tong kếo ko loăng kố tơbriât dêi rơpó to hon đa kơtâu hmuâ tung kong.

Po rơdâ séa ngăn kơpong ki tâ tá, khu ki ai tơdjâk troh châ hlo tơ’nôm 2 toăng rơxế hon đa ki vâi pro xêh [ă 4 kơhôp loăng ki khu tong kếo kơôa  tung kơpong kong pêt a luât 8 xuân ối a poh 228. Tâi tâng ai 5 toăng rơxế hon đa ki vâi pro xêh [ă 7 to kơhôp loăng Re, ối tung khu 6, loăng lối 2,3 met kho#i troh rup xo.

Môi toăng rơxế hon đa chơ loăng dêi khu ki tong lôi dêi tung kong

Bu tung lối tơdế khế hdrối kố nah, khu ki rak ngăn kong dêi tíu cheăng hiăng châ hlo 3 rôh khu ki tong keo loăng pơto, chơ loăng ôh tá tro luât tung tơnêi tơníu ki rak ngăn. Kế tơmeăm châ rup xo mê cho 28 toăng rơxế hon đa, lối 40 met kho#i loăng rơtế [ă 13 ngế.

Katarina Nga tơplôu [ă tơbleăng