Pơxiâm pro a khế 12/2017, troh nôkố klêi kơ’nâi 9 khế, tíu cheăng ki mơjiâng pro kông xo\n 234m tơkâ luâ kroăng Đăk Bla tơdjêp pơla bêng Quyết Thắng [ă bêng Nguyễn Trãi, pơlê kong kơdrâm Kon Tum nếo bu mơjiâng pro klêi 3 to trăng [ă 1 a tơnêi. Tâng tro tơdroăng pơkâ, tíu cheăng kố kô mơjiâng kô pro klêi tá 2 to trăng kông tung têa [ă trăng tua bin dêi rơchoâ.

Pôa Lê Tấn Phong, ngế ki pơkuâ ngăn khu ki mơjiâng pro kố, ối tung Ko\ng ti Tơlo liăn cheăng Trường Long tối, mêi hên [ă mêi ton pro tíu cheăng ngin kố ôh tá chiâng pêi:

‘’Hơnăm kố kong prâi a Kon Tum kong mê hên. Tơdroăng tơkêa bro ki hên cho ối tung kơdâm têa. Roh êa tâk đik mê tơdroăng ki mơjiâng pro gá hrá tâ tâng vâ pơchông [ă túa pơkâ tung hlá mơ-éa tơkêa. Ôh tá ‘nâi hdrối, hmâ to lâi hơnăm hdrối nah kong prâi ôh tá mêi hên môi tiah hơnăm kố’’.

Tơdroăng ki kong pơtối mêi, mêi ton tung plâ hên khế hiăng luâ hiăng pro hên h^n tơdroăng tơkêa bro kế tơmeăm tung kong pơlê Kon Tum trâm tơdroăng ki pêi pro hrá, môi tiah: Tơdroăng tơkêa mơdêk pro [ă po rơdâ troăng ví long têa hngêi kơmăi on tơhrik Plei Krông ki tơkoh [ă troăng kân Hồ Chí Minh troăng ki tơkâ luâ Tân Cảnh – Kon Tum, tơdroăng tơkêa bro troăng [ă kông sap ing troăng 671 prôk ngi troăng kân kơxo# 14, tơdroăng tơkêa bro tíu pêi cheăng dêi khu râ, kơvâ cheăng [ă hía hé.

Pôa Phan Thanh Hùng, Kăn pơkuâ rak ngăn mâu tơdroăng tơkêa 98 dêi kong pơlê Kon Tum tối ăm ‘nâi, tâi tâng 4 to kế tơmeăm ki kân châ pơxiâm pro sap apoăng hơnăm xua Khu rak ngăn pơrá tung tơdroăng ki hrá mơjiâng pro:

‘’Sap ing khế 3 troh nôkố kong prâi pơtối mêi, mêi ton hâi, ki hên tá hâi tối tơbleăng mơjiâng pro. Khu ki tơdah xo pêi xuân ối kôm. Tung mâu kế tơmeăm tơnêi, kơđu ôh tá chiâng kơđu xua têa mo\ng mot tung tơnêi gá hên ôh tá chiâng kơđu. Má péa nếo cho trâp ó ôh tá chiâng pêi’’.

Tơdjâk dêi kong prâi pro hên h^n tơdroăng tơkêa tung kong pơlê Kon Tum hrá châ pro dế tơdjâk hên ăm tơdroăng tơkêa bro [ă ki xiâm cho mơnhông mơdêk cheăng kâ, rêh ối pơlê pơla dêi kong pơlê. Kong prâi ôh tá tơniăn xuân cho môi tung mâu ki xiâm pro hơnăm kố, tơdroăng ki ‘no liăn ăm mâu tơdroăng pơkâ mơjiâng pro mơnhông mơdêk dêi kong pơlê Kon Tum gá chiâng hrá. Riân troh hâi lơ 20/8 kố nah kong pơlê bu nếo ‘no liăn ăm mung dâng 1/3 tung tâi tâng kơxo# liăn ‘no cheăng mơjiâng pro tơmeăm lối 2.500 rơtal liăn dêi hơnăm.

Khoa Điềm chêh

Katarina Nga tơplôu [ă tơbleăng