VOV4.Sêdang -  Pêi pro tiô tơdroăng pơkâ po rơdâ [ăng tơnêi pêt sâm Ngọc Linh dêi kong pơlê Kon Tum [ă tơdroăng pơkâ dêi khu mơdró kâ to\ng kum hdroâng kuăn ngo Rơteăng pêt sâm Ngọc Linh kơdroh tah kơtiê xơpá krá ton, mê hâi lơ 16/9 a cheăm Măng Ri, tơring Tu Mrong, Ko\ng ti Tơlo liăn cheăng pêt Sâm Ngọc Linh Kon Tum tơku\m po rôh to\ng kum 46.500 xiâm sâm Ngọc Linh ăm kuăn pơlê dêi 7 to cheăm ối tung 2 tơring Tu Mrong [ă Đăk Glei.

Tung rôh bruô kum sâm Ngọc Linh rôh kố, Ko\ng ti Tơlo liăn cheăng pêt Sâm Ngọc Linh kum 4 to cheăm dêi tơring Tu Mrong [ă 3 to cheăm dêi tơring Đăk Glei, rêm cheăm 1 rơpâu xiâm sâm Ngọc Linh hdrê. Kơxo# ki u ối 39.500 xiâm hdrê Ko\ng ti kum ăm 13 tôh khu ki pêt [ă 410 ngế cho ko\ng nhân ki veăng pêt sâm tung Ko\ng ti.

Katarina Nga tơplôu [a\ tơbleăng