Kơtăn kố tá hâi ton, hmâ troh a rơnó kong mêi hngê cho tơdroăng rêh ối cheăng kâ dêi kuăn pơlê a hên pơlê a mâu cheăm, môi tiah Măng Búk, Ngọc Tem, Đăk Long [ă hên cheăm ki ê dêi tơring Kon Plong, kong pơlê Kon Tum vêh trâm [ă tơdroăng ki hrá hrih [ă pá puât. Mâu rơpo\ng tung pơlê hiăng pơtê tâi cheăng, bu tơku\m ối to a hơpiâp on, tơdroăng cheăng tê mơdró, pêi cheăng kâ pơrá pơtê tâi.

Droh rơtăm pơlê Kon Ke, cheăm Đăk Long pro troăng prôk tung thôn pơlê

Ngoh A Nin, môi ngế kuăn pơlê a tơring kố tối ăm ‘nâi, xiâm kối cho xua ing troăng prôk gá pá puât khât, trâp hliâk. Hên pơlê tiah hmâ hiăng athế prôk tiô ‘noăng klâng, kong mêi troh rế ôh tá ai troăng vâ prôk. Nôkố, kơnôm ai troăng pro dêi khu rơxông hiăng chía tơ’lêi hlâu tâ:

‘’Nah drêng tá hâi ai troăng [ê tong mê troăng prôk kố gá tơpá khât. Troăng prôk gá hliâk bu to trâp xo. Tâng kong rế mêi ó ôh tá chiâng lăm. Kơnôm ai khu đoân viên, droh rơtăm pro ăm thôn pơlê mê tơdroăng ki prôk lăm dêi vâi krâ nho\ng o gá tơ’lêi hlâu tâ’’.

Mâu troăng prôk dêi mâu hơnăm ối nếo a Kon Plong, môi tung 62 to tơring kơtiê dêi lâp tơnêi [ă lối 80% pơ’leăng mâ mơngế cho hdroâng kuăn ngo châ mơjiâng pro [ă tơdroăng pơkâ dêi tơnêi têa mơjiâng thôn pơlê nếo. Châ khu kăn pơkuâ to\ng kum ăm xơmong, đoân viên droh rơtăm a rêm to thôn pơlê hiăng lăm xo prêi, hmốu a têa tơku\m mơjiâng pro.

Ngoh A Drue#, kăn pơkuâ Đoân droh rơtăm cheăm Đăk Long ăm ‘nâi, cheăm ai ngo pá vâ prôk, troăng prôk ngi klâng trâp, hliâk, tơdroăng ki tơku\m mâu kế tơmeăm prêi, xơmong, hmốu xuân môi tiah mơjiâng pro pơrá [ă ivá mơngế. Pá ó khât la đoân viên droh rơtăm veăng kơhnâ:

‘’Hiâm mơno dêi mâu khu đoân viên droh rơtăm pêi pro kơhnâ khât. Tung pơla pro troăng prôk tung thôn pơlê vâ kum pro pơxúa ăm mâu thôn, pơlê. Đoân viên droh rơtăm cho mâu khu ki nếo, ối ai ivá, kơhnâ veăng tung mâu tơdroăng cheăng, pơto chơ mâu prêi, xi mong, hmốu, kế tơmeăm ki hngăm. Tung mâu rôh pro troăng prôk tung thôn pơlê mê mâu vâi pú đoân viên droh rơtăm veăng hên má môi’’.

Pơtối rak vế hên hơnăm kố, tơdroăng tơ’noăng đoân viên droh rơtăm veăng pro troăng prôk tung thôn pơlê a tơring kơtiê Kon Plong, kong pơlê Kon Tum hiăng pro ai pơxúa kal khât. Lối chât km troăng prôk tung thôn pơlê, troăng prôk ngi cheăm hiăng châ pơxiâm prôk tung tơdroăng ki prôk lăm dêi kuăn pơlê, malối cho tung rơnó mê hngê. Ai troăng prôk, ai rơxế honda, kế tơmeăm ki pêi lo ing chiâk deăng dêi kuăn pơlê xuân châ pơto chơ tơ’lêi hlâu lo troh a cheăm, tâk troh a tơring tê roê tiô túa ki tơ’lêi hlâu.

Ngoh A Hoàn, Kăn pơkuâ hnê ngăn Đoân droh rơtăm tơring Kon Plong sôk ro tối, tung pơla pro troăng prôk tung thôn pơlê, đoân viên droh rơtăm đi đo cho khu ngế ki xiâm, djâ troăng ahdrối tung cheăm:

‘’Đoân viên droh rơtăm hlo ki tơ-[rê ‘na tơdroăng pro troăng prôk tung thôn pơlê. Đoân viên droh rơtăm veăng kum ivá, kum hâi pêi cheăng vâ ok [ê tong. A mâu troăng ki ‘nâ mot tung thôn, tá hâi ai liăn vâ mơjiâng pro đoân viên droh rơtăm xuân po vâ ‘mot rơxế honda prôk gá tơ’lêi hlâu tâ. Vâi krâ nho\ng o hlo ki tơ-[rê dêi tơdroăng pro troăng gá hlâu tung pơto chơ kế tơmeăm chiâk deăng xuân môi tiah pơto chơ mâu kế tơmeăm ki ê’’.

Khoa Điềm chêh

Katarina Nga tơplôu [ă tơbleăng