Ối a tíu ki hngêi lối 1.600m tang vâ pcơhông [ă ing tơnêi têa kơx^, pơlê Tu Thó môi tiah ối xêh môi ngế tang vâ pơchông [ă pá gong. Xua mê xuân môi tiah drêng lâi ai tơdroăng cheăng, kăn [o# cheăm Tê Xăng [ă kăn [o# tơring Tu Mrông nếo ai mâ a pơlê. Laga, hiăng lối 10 hơnăm kố, rêm hâi hok tro ki lâi xuân tiah mê, klêi kơ’nâi to rơxế hon đa tơkâ luâ lối 10 km troăng rơnâk [ă môi pâ tro thong trâu, hdrối 7 chôu kơxo thái A Bột hiăng ai mâ a pơlê. Kuăn pơlê Tu Thó hiăng hmâ [ă um méa rêm kơxo má thái A Bột troh a rêm hngêi krếo mâu vâi o hok tro ki koi riu hâi chơ vâi o troh a lâm.

Thái A Bột [ă mâu vâi o hok tro pơlê Tu Thó

 Hnê mâu vâi o hok tro lâm 2 dêi hngêi trung pơlê Tu Thó, tơ-ê [ă thái cô ki a tơbăng, vâ pơtối rak vế tu\m kơxo# hok tro hriâm, thái A Bột hiăng athế tơkâ luâ môi rôh mơhnhôk kơhnâ khât:

‘’Hdrối nah vâi krâ nho\ng o tung kố hmâ ai leh mơd^ng hơnăm nếo khe#n cho leh pêt báu nếo. Klêi mê troh khế 9, khế 10 cho leh kâ báu nếo. Hiăng klêi kâ báo nếo athế kâ báu ki ‘măn tung hnôu. Rêm măng t^ng leh môi tiah mê, hdrối nah vâi krâ nho\ng o ăm mâu vâi o pơtê môi măng t^ng, tiah mê pro tơpá ăm mâu thái cô ki pơkuâ. Thái cô athế tối tơbleăng ăm mâu vâi nôu, pâ hok tro ‘nâ ki pơxúa dêi tơdroăng hriâm dêi mâu kuăn ‘ne#ng pin. Nôkố mâu nôu, pâ hok tro bu pro leh môi troh 2 hâi xo tung pơla mê hok tro châ hriâm môi rôh a kơxo má, peăng kơxê rơtế pro leh [ă dêi mâu nôu, pâ a hngêi’’.

Hngêi trung pơlê Tu Thó, cheăm Tê Xăng, tơring Tu Mrông ai péa lâm mầm non [ă 30 ngế hok tro [ă péa lâm râ má môi [ă 14 ngế hok tro. Xua tơdroăng rêh ối xơpá, maluâ kơxo# hok tro iâ la {ơrô ngăn ‘na hnê hriâm [ă hnê mơhno tơring xuân ối rak vế 4 to lâm a hngêi trung kố xua tang ôh mâu vâi o kô lo pơtê hriâm xua ôh tá liăn ngân vâ troh hngêi trung a tíu xiâm cheăm.

Mâu vâi o hok tro pơlê Tu Thó kơhnâ troh a lâm hriâm

Bu ai 4 ngế thái cô tê hnê a kố, vâi cho mâu ngế nôu, ngế pâ má péa dêi mâu vâi o ku\n.

Cô Y Thoa pơkuâ lâm mầm non ai 14 ngế vâi hdrêng ăm ‘nâi, nôu, pâ pơcháu kuăn ăm cô [ă hmê ăm cô mê lăm dêi a chiâk. ‘Nâi cô hmâ ối a pơlê troh mơ’nui măng t^ng mê ai nôu, pâ ki ‘nâ ối hlối a chiâk to lâi hâi nếo vêh xo dêi kuăn. Hmê ki nôu, pâ mâu vâi muăn hbrâ ăm dêi kuăn bu ai to hmê [ă po hăng. Xua mê môi tơdroăng ki mâu cô hmâ pro cho a xoăng kế kâ dêi tơná ăm mâu vâi muăn. Pu\n hơnăm hnê a hngêi trung pơlê Tu Thó hiăng ăm cô yăo Y Thoa ‘nâi hên tơdroăng ki rơkê ple\ng [ă hlo tơdroăng ki sôk ro a kơpong tơnêi ki malối xơpá kố:

‘’Vâ pêi klêi tro hnoăng cheăng ki hngêi trung pơcháu tang ôh tá kâi mơeăm kơhnâ gá kô tơpá khât. Xua mâu nôu, pâ a kố hmâu pơ lăm prôk hngế, thăm nếo tâm hlối a chiâk. Djâ kuăn lăm to lâi hâi cô athế lăm mơhnhôk hok tro, mê hok tro nếo lăm troh a hngêi trung, athế mơhnhôk hên hdroh. Tơpá há tơpá khât la xuân ai tơdroăng ki sôk ro. Nôu, pâ loi tơngah a cô [ă kuăn pơlê a kố hâk vâ, a chê khât’’.

Ôh ti xê hnê chư troh ăm mâu vâi o hok tro, 4 ngế ngế thái cô a hngêi trung pơlê Tu Thó, cheăm Tê Xăng, tơring Tu Mrông, kong pơlê Kon Tum ối djâ tơdroăng ki rơkê ple\ng troh [ă lối 100 rơpo\ng kuăn pơlê tung pơlê. Klêi kơ’nâi mâu chôu ki hnê a lâm, mâu thái cô lăm troh [ă kuăn pơlê rơtế [ă vâi krâ nho\ng o tung tơdroăng ki tơkâ luâ xơpá hluăn ing kơtiê sap ing tơdroăng pêi pro ki nhên, môi tiah: mơhnhôk kuăn pơlê kâ, ối a lâm ăm gá krúa le\m, hnê kih thua#t pêt tơmeăm, păn mơnăn, ‘no hrê liăn tro túa pơkâ.

Kơnôm ing tơdroăng ki kơhnâ dêi mâu thái cô, kuăn pơlê tung pơlê Tu Thó nôkố ôh tá ai xếo rôh ki tơku\m po mơd^ng ton hâi. Hên rơpo\ng hiăng pêt mâu hdrê loăng tíu hngế, mơdâ hdrê báu ki nếo pêt tung klâng, chiâk, pêt hdrê loăng pơkeăng vâ ai tơ’nôm liăn pêi lo. {ă tơdroăng sôk ro kân má môi dêi mâu thái cô a hngêi trung pơlê Tu Thó, cho kơnôm ing tơdroăng ki kơhnâ mơhnhôk dêi vâi, nôkố kuăn pơlê tung pơlê hiăng ‘nâi tơmâng ngăn hên tâ troh tơdroăng ki hriâm tâp dêi mâu vâi kuăn ‘ne#ng.

Katarrina Nga tơplôu [ă tơbleăng