VOV4.Sêdang - A cheăm Ia Dom, tơring Ia H’Drai, khu pơkuâ ngăn Đoân droh rơtăm Kon Tum tơku\m po leh mơgêi tơdroăng tơkêa pro pơlê droh rơtăm pêi cheăng tíu tơkăng kong Mang Mrai [ă pơchau mâu tơmeăm khoăng ăm cheăm.

Pơlê droh rơtăm pêi cheăng tíu tơkăng kong Mang Mrai châ mơjiâng pro sap ing hơnăm 2008, tâi tâng kơxo# liăn ‘no mơjiâng pro lôi 92 rơtal liăn. Troh nôkố, tơdroăng tơkêa bro hiăng pê klêi mâu tơmeăm khoăng ki mê: troăng prôk mot a kơpong pơlê pêi cheăng [ă a kơpong kuăn pơlê ối, pro hngêi pơkeăng, hngêi pêi cheăng, hngêi kâ ôu pú hên [ă mâu tơmeăm ku\n ki ê, pro hngêi kuăn pơlê vâ tơku\m hôp, hngêi trung mâuh yăo, tíu xúa  têa tơchoâm, pê klêi tơdroăng séa ngăn hrik tah [om min, gu tơnêi 18 ha, hơ’lêh tơnêi kong chiâng tơnêi pêt loăng kơxu, pro 102 toăng hngêi ối ăm mâu rơpo\ng nếo xo on veăng ki ối pá puât.

Pơlê droh rơtăm pêi cheăng hiăng chiâng tíu pêi cheăng xiâm dêi thôn,  pơtối rak vế hnoăng cheăng ‘lo tro dêi droh rơtăm tung veăng mơnhông mơdêk cheăng kâ [ă kring vế tíu tơkăng kong.

Gương tơplôu [ă tơbleăng