VOV4.Sêdang - Ô vâi krâ nho\ng o [a\ pú hmâ! Tung pơla hdrối kố nah, tung kong pơlê Kon Tum hiăng pơtối ai 4 roh, [ă 13 ngế tro pôu ‘mêi xua kâ kơxêt kôk tung kong, tung mê hiăng ai 3 ngế hlâ. Mơhé kơvâ ngăn pơkeăng [ă khăm pơlât [ă khu kăn pơkuâ kong pơlê hiăng kơhnâ khât tung tối tơbleăng, hnê khe#n troăng hơlâ hnê mơhno kuăn pơlê vâ kơdroh iâ tơdroăng ki tro pôu ‘mêi xua kâ kơxêt, la kơxêt kôk cho kế kâ ki ai hên tung kong [ă pro kuăn pơlê rơhêng vâ kâ, malối a mâu pơlê cheăm hdroâng kuăn ngo a kong pơlê kố, tâng ôh tá hnê tối kơhnâ khât, mơni tung la ngiâ kô ối ai hên tơdroăng ki pôu ‘mêi xua kâ kơxêt kôk. Khoa Điềm, ngế chêh hla tơbeăng cheăng tung Rơ’jiu Việt Nam a Tây Nguyên ai chêh tối ‘na tơdroăng mê.

            Rêm hâi drêng toh chôu, jâ Y Tha pôu dêi chêa pá ro\ng lăm a chiâk deăng, lăm tung kong tăng hnêi kơxêt. {a\ mơngế kuăn pơlê hdroâng kuăn ngo Rơteăng, a pơlê Long Hy Một, cheăm Măng Ri, tơring Tu Mrong, kơxêt kong cho kơchâi hmâ kâ. Jâ Y Tha ăm ‘nâi, kơxêt hu\n hên má môi a mâu kơpong kong ilâng. Klêi kơ’nâi rêm roh kong mêi ton, to lâi hâi kơ’nâi mê lăm tung kong kô tăng hlo kơxêt. Kơxêt ôh eâ ‘no liăn roê, thăm nếo cho kơchâi kâ ki kơhiâm, xua mê, kuăn pơlê hâk vâ lăm tăng hnêi kơxêt tung kong. Jâ Y Tha ối tối [a\ ngin ‘na túa ki jâ rơkê kơnó kơxêt kong ki le\m lơ kơxêt kôk: Kơxêt ki ôh tá păng kâ kô ôh tá hnêi. Bu kơxêt koâ, kơxêt ting liêl chiâng kâ. Hlo kuăn kiâ kong kâ kơxêt mê kuăn mơngế xuân chiâng kâ. Pơtih kơnái, chêm tung kong ga ôh tá kâ, mê kuăn mơngế xuân ôh tá chiâng kâ kơxêt ki mê.

Rơnó mêi mâu hdrê kơxêt huăn hên

            A cheăm Măng Ri xuân môi tiah mâu kơpong hdroâng kuăn ngo ki ê a kong pơlê Kon Tum, kuăn pơlê hmâ lăm hnêi kơxêt kong, tiô vâi krâ  mơhno tối. Ki rơ-iô má môi cho kơxêt kôk ga pro môi tiah kơxêt ki kuăn pơlê hmâ kâ, xua mê tơpá vâ kơnó. Ngoh A Miêu, ối a pơlê Long Hy Một, cheăm Măng Ri, tơring Tu Mrong tối ăm ngin ‘nâi mâu hdrê kơxêt rơpo\ng ngoh hiăng kâ [a\ pơrá châi klêa, pro rơpo\ng xâu rơ-iô khât: Jâ tối kơxêt kố chiâng kâ, laga kâ châi klêa, rơlâi rơlo hiăng vâ chê hlâ. Xâu ‘nâng.

            Ôh tá mơhúa môi tiah rơpo\ng ngoh A Miêu, tơdế khế 5 pơla kố nah a pơlê Long Hy Một hiăng ai môi roh pôu ‘mêi xua kâ kơxêt, pro nâ Y Poan [a\ muăn Y Búi hlâ. Tung rơpo\ng hngêi ngế ki lâi xuân khéa hơ’nêng, jâ Y Brun [riê lo têa mâ hơ-ui dêi kuăn [a\ cháu dêi tơná hlâ. Jâ khéa păng ‘nâng xua jâ cho ngế lăm a chiâk deăng hnêi kơxêt pế ăm rơpo\ng kâ. Poâ Phạm Bình Thuận, kăn [o# hngêi pơkeăng cheăm Măng Ri, tơring Tu Mrông tối ăm ‘nâi, kuăn pơlê ôh tá ‘nâi xâu drêng kâ kơxêt. Drêng pôu ‘mêi hrá lăm pơlât a hngêi pơkeăng:Peăng hngêi pơkeăng cheăm xuân đi đo pơtâng kuăn pơlê, laga drêng vâi kâ xuân ôh tá ‘nâi nhên, ôh tá ‘nâi mê cho kơxêt le\m lơ ôh. {a\ vâi xuân ôh tá ‘nâi xâu, vâi tơmiât bu châi klêa, lo hêa tê, xua mê vâi hrá djâ pơlât mâu ngế ki pôu ‘mêi, hơ-ôu re#ng troh a hngêi pơkeăng.

Kuăn pơlê lăm hnêi kơxêt kong djâ tê a drô troăng kơpho#

            Tiô [ok thái pơkeăng Đỗ Xuân Thủy, pêi cheăng tung kơbong pơlât mâu ngế châi ki râ – Tíu xiâm ngăn pơkeăng [a\ khăm pơlât tơring Tu Mrông tối, tơdroăng vâ kơnó pơla kơxêt kôk [a\ kơxêt le\m cho pá. Xua mê kuăn pơlê kal tơtro\ng:Vâ hbrâ ví kuăn pơlê thế kâ mâu kơxêt hiăng ‘nâi xiâm kối lơ ‘nâi kơnó mê ôh tá xê kơxêt kôk. Tâi tâng mâu kơxêt ki ê pin tá hâi ‘nâi xiâm kối lơ ôh tá kơnó kơxêt ki kôk lơ kơxêt ki ôh tá xê kơxêt kôk, mê pôi tá kâ. Drêng tro pôu ‘mêi xua kâ kơxêt kôk, pơchân kuăn pơlê thế pro ăm lo hêa. Rế lo hêa hên rế ‘ló, klêi mê, ôu têa hên [a\ troh pơlât a hngêi pơkeăng.

            Sap apoăng rơnó mêi troh nôkố a kong pơlê Kon Tum hiăng ai 4 roh [a\ 13 ngế pôu ‘mêi xua kâ kơxêt kôk kong, tung mê 3 ngế hlâ. Mâu roh pôu ‘mêi xua kâ kơxêt kôk cho a kơpong hdroâng kuăn ngo, tíu kuăn pơlê hmâ lăm hnêi kơxêt ki hu\n tung kong, klêi mê pế pơchên kâ. Nôkố a kơpong Tây Nguyên dế rơnó mêi hngê, kơxêt hu\n hên [a\ tơ’lêi tăng hlo, xua mê tơ’lêi pơtối ối hên mâu roh hơ-ôu xua tro kâ kơxêt kôk.

A Sa Ly chêh [ă tơbleăng