Nôkố tung pơlê kong kơdrâm Kon Tum, kong pơlê Kon Tum, rêm ha kơxu tê ai dâng 350 – 400 xiâm, yă dâng 1 rơtuh liăn/môi xiâm. Tíu ki roê cho mâu ngế ki pêi cheăng troh a tíu vâ uâ loăng vêh tê a mâu tíu ki uâ loăng mơjâng pro tơmeăm xúa. Laga, ai mâu khu ki tong a pơlê kong kơdrâm hiăng tăng troh tíu ki mê mơnhâu, tâng ôh tá nâp liăn lơ ôh tá pêi pro tiô tơdroăng ki pơkâ thế vâi mê tíu cheăng ki roê kô trâm pá, thăm nếo ối tro mơnhâu kơdê hlâ. Môi ngế ki lăm roê loăng kơxu, ôh tá tối inâi dêi tơná, ăm ‘nâi:

‘’Á hêng hôu khât hlo tơdroăng ki kố, á lăm roê athế tơkâ hluâ môi tơdroăng ki ai ngế ối a tơdế, môi tiah cho ngế ki kơtoâ tơdroăng, hlo tô tuăn [ă ôh tá hmiân tung tuăn hiâm, loi tơngah kơ koan ki ai tơdjâk troh kô séa ngăn nhên vâ mâu ngế ki môi tiah á kố hmiân tuăn pêi cheăng kâ’.

Hnoăng cheăng ‘nâi nhên tơdroăng, hâi lơ 15 khế 10 kố nah, Kơ koan kăn sât séa ngăn tơdroăng xôi Ko\ng an pơlê kong kơdrâm Kon Tum hiăng pơkâ pơsăm tối tơdroăng, ngế ki tro săm tối [ă rup kroăng 3 ngế, mê cho: Nguyễn Hoàng Giao, kot mâ hơnăm 1991, ối a cheăm Vinh Quang, pơlê kong kơdrâm Kon Tum hiăng ai 2 rôh pro tơdroăng xôi ‘na mơhno\ng pro vâi ki ê tro rong [ă kơtoâ, xúa ôh tá tro luât kế tơmeăm dêi  lêng, cho ngế ki pơkuâ rơtế [ă 2 ngế tung khu ki kố, cho: Nguyễn Quang Tân prếi Trần Quang Huy, pơrá ối a pơlê kong kơdrâm Kon Tum ‘na tơdroăng ‘’Xo kế tơmeăm ngế ki ê’’. Nguyễn Hoàng Giao tối:

‘’Klêi kơ’nâi tơpui ho\ng phôn râng ko\ng gá ai pơkâ thế, tâng roê tíu ki mê athế ‘no liăn ăm gá rêm xiâm 20 rơpâu liăn, tâng ôh, athế tê ăm gá [ă yă 700 rơpâu/1 xiâm’’.

Khu kố hiăng pơklât thế môi ngế ki lăm roê a Gia Lai tâk troh Kon Tum roê loăng kơxu, tâng vâ châ pêi cheăng kâ tơniăn a kong pơlê kố mê athế ăm vâi liăn. Ngế ki roê kố hiăng athế ăm vâi kơxo# liăn ai 10 rơtuh.

Tơdroăng kố dế châ kơ koan kăn sât séa ngăn tơdroăng xôi dêi  Ko\ng an pơlê kong kơdrâm Kon Tum pơtối séa ngăn, pêi cheăng. Mâu khu tơru\m, mâu ngế ki lăm roê loăng kơxu, tê thế khên tơnôu săm tối mâu ngế ki pro xôi luât dêi mâu ngế ki kố ăm kơ koan Ko\ng an ‘nâi vâ re\ng ai troăng hơlâ pơxâu phâk tiô luât pơkâ, kum pro tơniăn ăm tơdroăng kring gâk tung pơlê pơla.

Bích Nga chêh

Katarina Nga tơplôu [ă tơbleăng