VOV4.Sêdang - Kơxo lơ 18/7, a Hngêi pơkeăng kân kong pơlê Kon Tum, môi ngế xúa măng pơlê pơla Facebook a pơlê kong kơdrâm Kon Tum, kong pơlê Kon Tum, hiăng pâ Kăn pơkuâ hngêi pơkeăng kân Kon Tum [a\ [ok thái pơkeăng ki dế pơlât mâu ngế tamo châi pôi tá ‘nhó , xua hiăng tơbleăng tá tro tơdroăng pro tơdjâk ki loi tơngah [a\ hngêi pơkeăng.

A roh pâ pôi tá ‘nhó ai mâ dêi Khâu séa ngăn Khu pơkuâ troăng hyôh phôn, um tơvi [a\ Internet, {ơrô kring vế cheăng kal kí – Ko\ng an kong pơlê Kon Tum, ahdrối kon ko pâ Kăn pơkuâ hngêi pơkeăng kân Kon Tum [a\ [ok thái pơkeăng ki dế pơlât mâu ngế tamo châi a hngêi pơkeăng kân kong pơlê Kon Tum pâ pôi tá ‘nhó dêi châ, ngế ki xúa  Facebook inâi Sau Tran (jâ Trần Thị Sáu, cho môi ngế cô hnê hngêi trung râ má môi Phan Chu Trinh, pơlê kong kơdrâm Kon Tum) hiăng tối dêi tơná tơbleăng tơdroăng tung măng pơlê pơla tá hâi ‘nâi nhên khât, pro tơdjâk ki loi tơngah [a\ Kăn pơkuâ hngêi pơkeăng [a\ tâi tâng mâu [ok thái pơkeăng tung hngêi pơkeăng.

Kố xuân cho túa chôu vế ăm rêm ngế ki hmâ tăng tơbleăng xêh tơdroăng ki tá ai khât, tơdjâk troh loi tơngah dêi mâu kuăn pơlê, khu tơru\m pêi cheăng tung pơlê pơla.

A Sa Ly tơplôu [ă tơbleăng