Ngăn hlo mâu tíu ki rơheăng môi tiah troăng plân tơkâ luâ tung mâu trăng hngêi pro tơhneăng mâu gât men, ngoh A Tam a pơlê Kon Hia 1, cheăm Đak Rơ Ông, tơring Tu Mrong tối khéa hơ’nêng, kơtăn kố to lâi măng bu tâng to ki pơ’lok mê xông lo ngăn hlo tíu rơheăng.

Kơxo má tâi pơlê xâu rơ-iô drêng hlo ngo pá kơdâm pơlê rơheăng môi tíu ki kân. Tíu ki rơheăng mê môi tiah mâu xiâm loăng króu sap ing ngối ngo klêh a troăng prôk ngi kong pơlê 678 mê troh a Têa Dat. Ôh tá khên ối xếo, on veăng ngoh A Tam rơtế [ă 5 ngế kuăn athế ‘nhiê dêi hngêi lăm pro a tíu ki ê.

Ngăn hngêi ki kơnâ vâ chê 100 rơtuh liăn nếo mơjiâng pro vâ chê 1 hơnăm, cho tơmeăm vâ on veăng ngoh mơ-eăm hluăn ing kơtiê nôkố ‘nhiê tah môi tiah mê, ngoh A Tam khéa hơ’nêng tơdroăng rêh ối la ngiâ dêi rơpo\ng hngêi:

‘’Ki khéa má môi nôkố cho xo ah hmôi ôh tá ‘nâi pro hngêi [ă klâi xếo. Ôh tá ai liăn, ôh tá khên pro. Pá khât phái kâ ai la gá iâ. Malối cho ăm kuăn ‘ne\ng lăm hriâm, ôh tá châ hriâm xếo. Xua hngêi ối bu pro pơtân [ă pơ-óu, kuâ lêm tôl ôh tá ai on tơhrik’’.

Môi tung 17 toăng hngêi a pơlê Kon Hia 1 athế ‘mâi xe\n ối a tíu ê

Ing tơdroăng ki tơhnah ngo dâng 2 chôu kơxo má hâi lơ 18/8 kố nah pro 17 tung 147 rơpo\ng kuăn pơlê a pơlê Kon Hia 1 athế ‘mâi xe#n dêi tâi tâng mâu kế tơmeăm khoăng troh a tíu ki nếo. Tung 17 rơpo\ng ki tro lu\p dêi kế tơmeăm ai vâ chê tơdế ối tung rơpo\ng kơtiê [ă vâ chê kơtiê mê vâi krâ nho\ng o hiăng pá nôkố thăm rế pá tâ. Thăm nếo tá mâu rơpo\ng ki chía niân môi tiah on veăng ngoh A Long prếi nâ Y Phương nếo mơjiâng pro hngêi kơnâ 460 rơtuh liăn nôkố xuân hía tâi.

Hlo tơdroăng ki tro lu\p mâu kế tơmeăm dêi mâu kuăn pơlê, pôa A Láp, kăn pho\ thôn Kon Hia 1 ăm ‘nâi, rơtế [ă ki tro lu\p ‘na kế tơmeăm mê tuăn hiâm dêi vâi krâ nho\ng o rôh kố xuân cho tơdroăng ki kal vâ tơmâng ngăn:

‘’Bố bố xuân x^ng khéa mâu kế tơmeăm dêi tơná malối cho ‘na hngêi ối. Xua vâi hiăng ‘no liăn hên, hnoăng cheăng to lâi chât hơnăm châ mơjiâng pro môi toăng hngêi ki mê, mê nôkố hiăng tơ’nhiê tâi. Hơ-ui khât kơ vâi krâ nho\ng o a kố.

Ai ngế ki ‘nâ dế khéa ôh tá kâi kâ hmê. Tơdroăng rêh ối nôkố gá dế pá khât. Thôn xuân hiăng mơhnhôk athế mơ-eăm pơtối rêh ối’’.

Tơnêi ki rơheăng sap ing kơtôu ngo króu klêh a hngêi kuăn pơlê

Rơtế [ă 17 rơpo\ng kuăn pơlê a pơlê Kon Hia 1, cheăm Đak Rơ Ông, hlo mâu rôh kong mêi kân pơla hdrối kố nah khu kăn pơkuâ tơring Tu Mrong, kong pơlê Kon Tum hiăng athế ‘mâi xe\n 136 rơpo\ng kuăn pơlê a pơlê Tu Thoh, cheăm Tê Xăng [ă 42 rơpo\ng kuăn pơlê a pơlê Tu Mrong, cheăm Tu Mrong troh ối a tíu ki nếo vâ ví tơdroăng ki tơhnah tơhnâp tơnêi.

Tíu ki rơheăng ai tung hngêi dêi kuăn pơlê

Ki hên mâu rơpo\ng kuăn pơlê a kố cho hdroâng kuăn ngo Rơteăng tơdroăng rêh ối cheăng kâ ối hên xơpá, tung mê, ôh tá iâ rơpo\ng nếo hluăn ing rơpo\ng kơtiê. Xua mê, tiô pôa Vương Văn Mười, kăn pho\ hnê ngăn Vi [an tơring Tu Mrông tối, mơni tơdroăng ki vêh kơtiê nếo dêi mâu rơpo\ng ki lăm xe\n ối a tíu ví tơhnah tơnêi gá cho hên tung pơla ivá mơ-eăm dêi tơring ối iâ:

‘’Nôkố tơdroăng ki tô tuăn dêi vâi krâ nho\ng o kơpong tơhnah tơnêi xuân môi tiah tơdroăng ki tô tuăn dêi tơring cho tơdroăng ki vêh kơtiê nếo. Tơdroăng ki tro lu\p mâu kế tơmeăm khoăng dêi vâi krâ nho\ng o kơpong tơhnah tơhnâp tơnêi gá hên.

Hên mâu rơpo\ng kơtiê nôkố tung tơdroăng pro hngêi hmâ mung liăn dêi Hngêi rak liăn to\ng kum rêh ối pơlê pơla. Tơdroăng kố Vi [an hnê ngăn tơring kô pâ mơdon mơdrếo liăn mung. Laga tơdroăng ki to\ng kum liăn vâ vâi krâ nho\ng o tơniăn xuân môi tiah ‘mâi mơnhông tơdroăng rêh ối ton xo\n nôkố xuân cho tơdroăng ki tô tuăn dêi tơring. Xua tơring cho tơring kơtiê, liăn ôh tá ai’’.

Khoa Điềm chêh

Katarina Nga tơplôu [ă tơbleăng