VOV4.Sêdang-  Sap nôkố troh lơ 31/3, kong prâi a mâu tơring, pơlê kong kơdrâm tung kong pơlê Kon Tum khăng khoăng ton, mơni kô ai on chếo kong kân a mâu poh, xá kong; tiô tối tơbleăng hdrối ‘na on chếo kong kô rơ-iô. Khu hnê mơhno cheăng rak ngăn [ă mơnhông pêt kong dêi kong pơlê Kon Tum tối thế khu pêi cheăng dêi mâu kơvâ cheăng rak ngăn kong râ tơring, mâu tíu pêi cheăng ối tung Khu rak ngăn loăng kong, mâu tíu pêi cheăng ki khu xiâm pơkuâ ngăn kong tiô rêm hnoăng cheăng pơcháu rak ngăn, tơdroăng tối tơbleăng pêi pro ‘na hbrâ mơdât tơpâ on chếo kong. 

Tung mê, đi đo lăm ngăn, hnê tối tơdroăng hbrâ mơdât on chếo kong, séa ngăn mơngế [ă rơxế ki mot tung kong; mơdât oh tá ăm kuăn pơlê chôu dêi chiâk deăng, chôu hlá pê, tí tăng ngăn rêm hâi, mơnhên tíu ki lâi ai on chếo tơbleăng ing website Khu xiâm rak ngăn kong. Tâng lơ ai on chếo kong, khu pêi cheăng dêi mâu kơvâ cheăng râ tơring, mâu tíu pêi cheăng pơkuâ ngăn kong tối mâu tơdroăng ‘na Khu xiâm kum pêi cheăng ăm Khu hnê mơhno tơdroăng rak ngăn [ă mơnhông pêt kong dêi kong pơlê Kon Tum; tơbleăng re\ng [ă pơtâng nhên tiô pơkâ. Klêi rêm rôh on chếo thế ngăn vâ ‘nâi nhên [ă tăng ngế ki xiâm pro on chếo vâ pơxâu phâk tro tiô luât pơkâ.

Gương tơplôu [ă tơbleăng