Pơtối troh hriâm a hngêi trung phôh thong hdroâng kuăn ngo ai tíu kâ koi ối pơtê râ má péa Đăk Long klêi kơ’nâi hneăng pơtê hriâm, o La Thanh Tú, hok tro lâm 8, a pơlê Kon Chốt, cheăm Đăk Long, tơring Kon Plong châ trâm pú hmâ, thái cô.

Tơdroăng sôk ro dêi Tú cho hên khât drêng châ hlo hngêi trung, ki má lối cho tíu kâ koi ối pơtê dêi o [a\ mâu pú hmâ châ thái cô mơ’no hên ivá pêi pro vâ hbrâ tu\m têk kế tơmeăm:

‘’Drêng mot tung hngêi trung ngin muăn hlo thái cô hiăng troh kơdrâm. Hngêi trung krúa le\m, tâi tâng tơmeăm hiăng hbrâ tu\m. Á muăn tâ sôk ro xua thái cô hiăng hbrâ hên tơmeăm môi tiah kơxop mơ-éa chêh ai tu\m. Klêi mê, kơbong koi pơtê xuân krúa le\m. Hơpiâp pế hmê kơchâi xuân tu\m têk. Á hmiân tuăn ‘na tơdroăng kâ koi ối pơtê tung hngêi trung xua châ thái cô hâk vâ păng ‘nâng’’.

Hơnăm hriâm nếo 2018 – 2019, hngêi trung phôh thong hdroâng kuăn ngo ai tíu kâ koi ối pơtê râ má péa Đăk Long ai 134 ngế hok tro ối kâ koi tung hngêi trung tung tâi tâng lối 160 ngế lâp hngêi trung. Thái Vũ Kim Đạt, Kăn pho\ pơkuâ hngêi trung, tối ăm ‘nâi, tâi tâng mâu vâi o hok tro pơrá kuăn ‘ne\ng hdroâng kuăn ngo Rơteăng, tơdroăng rêh ối rơpo\ng pá puât. Hngêi dêi mâu vâi o hơngế kơtăn hngêi trung, ai pơlê môi tiah Kon Ke, Kon Xủ kơtăn hngêi trung 15 – 20 km.

Vâ mâu vâi o hok tro hmiân tuăn mot hơnăm hriâm nếo, Khu pơkuâ hngêi trung mơdoh hên chôu, ivá hbrâ tu\m tíu kâ koi ối pơtê ăm mâu vâi o:

‘’Ahdrối tơdah hok tro vêh a hngêi trung hiăng hbrâ tu\m tơmeăm khoăng môi tiah cho 2 ta#n phái, kơbong ăm hok tro ối. Mâu pơkhom, kơmung, hơkôa hiăng ai tu\m ăm mâu vâi o vâ troh hriâm’’.

Vâ ai tu\m hmê kơchâi kâ, tơniăn krúa le\m kế kâ ing 15 kilô phái [a\ 40% kơlo liăn rêm khế mâu vâi o châ kâ, Khu pơkuâ hngêi trung [a\ thái cô mâu hngêi trung xuân thế mơdoh hên ivá pêi cheăng kố. {a\ hngêi trung ki ai troăng prôk tơ’lêi, hngêi trung k^ tơkêa [a\ mâu ngế tê tơmeăm kâ ăm khu pêi ‘na pế pơchên hmê kơchâi. Laga [a\ mâu hngêi trung kơpong hơngế hơngo prôk lăm pá puât, hên hngêi trung ti tăng xêh hơ’nêh, ká, kơchâi drêh ing kuăn pơlê tung pơlê pơla.

Tơdrêng amê tiô pôa Phạm Văn Tháng, Kăn pơkuâ {ơrô hnê hriâm [a\ hnê mơjiâng tơring Kon Plong, thái cô mâu hngêi trung thế hnê tơdroăng rêh ối ăm mâu vâi o hok tro:

‘’{ơrô hiăng hnê mơhno mâu hngêi trung cho tơku\m hnê tơdroăng rêh ối ăm mâu vâi o hok tro ki kâ koi pơtê tung hngêi trung, ki rơhêng vâ tối cho mâu vâi o roh apoăng mot ối tung hngêi trung. Ing tơdroăng xêa hne\ng, bâu ngiâ, kâ, ối thế krúa, tơdroăng rêh ối rêm hâi mâu hngêi trung đi đo pơcháu hnoăng ăm thái cô hnê ăm vâi o. Tơku\m djâ ăm mâu vâi o pêt kơchâi drêh, păn í peâp vâ ai tơmeăm kâ rêm hâi’’.

Hơnăm hriâm nếo 2018 – 2019 tơring ki pá puât má môi Kon Plong, kong pơlê Kon Tum ai 19 hngêi trung hdroâng kuăn ngo ai tíu kâ koi ối pơtê, tung mê ai 10 hngêi trung râ má môi [a\ 9 hngêi trung râ má péa [a\ tâi tâng 2.100  ngế hok tro ối tung hngêi trung.

Ki sôk ro má môi, hơnăm hriâm nếo kố tâi tâng mâu hngêi ối, hơpiâp pơchên hmê kơchâi dêi mâu hngêi trung pơrá krá kâk [a\ ai tu\m tơmeăm. Tíu ối kâ koi ăm mâu vâi o hok tro tung hngêi trung châ kơvâ hnê hriâm kong pơlê to\ng kum, ngăn khât, ai tu\m têk hiăng pro nôu pâ hok tro [a\ vâi o hok tro hmiân tuăn, phiu ro mot hơnăm hriâm nếo.

Khoa Điềm chêh

A Sa Ly tơplôu [a\ tơbleăng