Nếo achê pơla kố, apoăng khế 5 hơnăm 2018, bú kơ’nâi 30 phút riân sap ing tâng tối tơbleăng, ko\ng an tơring Tuy Đức, kong pơlê Dak Nông, hiăng re\ng châ rup Lê Trọng Cầu, ối a cheăm Lĩnh Sơn, tơring Anh Sơn, kong pơlê Nghệ An [ă Nguyễn Thanh Sơn, ối a bêng Trần Hưng Đạo, pơlê kong kơdrâm Nam Định, kong pơlê Nam Định, rup xo 2 toăng rơxế  hon đa ki prếi tong. Kố cho mâu ngế ki ai hên tơdroăng xôi [ă nếo lo ing hngêi phâk mê pơtối pro xôi nếo.

Thượng tă Dương Danh Quế-kăn ko\ng an tơring Tuy Đức, Kong pơlê Dak Nông, ăm ‘nâi: drêng tâng tối, khu pêi cheăng hiăng tơku\m mâu ngế râ tât vâ tăng kho\m châ rup mơngế ki tong:

‘’Mâu lêng ko\ng an rơdât rup [ă hlối châ rup a poăng cho Lê Trọng Cẩn rơtế [ă 1 toăng rơxế honđa. Klêi mê tôh pêi cheăng râ tâ tá troh 9 chô pơtối rup tơ’nôm pa 1 ngế. Tung pơla rơdât rup, ngế ki mê pro dêi tơná oh tá xâu, pro ôh tá ‘nâi ki klâi. Tung pơla tăng rup hlối tơpui phôn [ă mâu khu râ kơvâ cheăng kong pơlê êng vâ ‘nâi tíu mâu ngế ki tong ối, tung mâu ngế ki mê ngế ki lâi xuân hiăng péa pái hdroh ai tơdroăng xôi tro rup kroăng phâk’’.

Hdrối mê, ko\ng an tơring Tuy Đức xuân hiăng tăng ‘nhiê môi khu ki hmâ tong rơxế hon đa, rup Nguyễn Văn Tú, ối a cheăm Măng Tô, tơring Tánh Linh, kong pơlê Bình Thuận; Trần Quang Quảng, Phan Văn Hoàng rơtế ối a cheăm Dak Mol, tơring Dak Song [ă Lý Gia Thành ối a Bình Trị Đông B, pơlê kân Bình Tân, pơlê kong kân Hồ Chí Minh. Nguyễn Văn Tú tối tơdroăng xôi tơná tong: ngăn pơla kuăn pơlê dế tơngôu oh tá hbrâ rơnáu, vâ lăm tong, xua mê tung hơnăm hiăng luâ rơtế [ă vâi pú hiăng tong 23 toăng rơxế tung tơring Tuy Đức, Dak Song [ă Dak Glong:

‘’Rơxế ‘măn pá gong a ngiâ hngêi ôh tá ai ngế ki ngăn, ai ngế ki ‘nâ lôi dêi tá khoă a rơxế amê. A tâng ngăn, mâu vâi pú mot po khoă rơxế [ă hlối xo rơxế kơto troh a Bình Phước vâ tê’’.

Tiô trung tă Cao Xuân Thuỷ- Kăn pho\ ko\ng an tơring Tuy Đức, kong pơlê Dak Nông, tơdroăng khu ‘mêi tong rơxế vâi chôa tăng ngăn hlo drêng lâi pin dế tơngôu ôh tá [e\ng ê dêi mê vâi tong. Khu ‘mêi kố vâi tăng ngăn hlo pơla pin tơngôu, lơ drêng ôh tá ai ngế ối tung hngêi, cho drêng pin oh tá rơnáu mê vâi xo. Xua mê, troăng hơlâ pêi pro ki tro má môi mê pin thế đi đo hbrâ rơnáu xêh, thế ‘nâi git mơjo dêi tơmeăm, veăng kring vế tơniăn pơlê pơla cheăm bêng.

 ‘’Troăng hơlâ pêi pro tung la ngiâ má môi cho mơdêk tơdroăng cheăng rak ngăn mâu khu ki nếo lo ing hngêi phâk hiăng vêh ối dêi a pơlê. Má péa nếo, thế mơdêk tơdroăng hbrâ rơnáu ngăn dêi tơmeăm [ă thế lăm séa ngăn đi đo. ‘Na kih thuât khu pơkuâ cheăng kô krâ ‘măn camera a mâu mâu troăng kân ki xiâm’’.

Ôh tá xê to a tơring Tuy Đức, mê tung hơnăm hiăng luâ, xuân a kong pơlê Dak Nông, Ko\ng an pơlê kong krâm Gia Nghĩa hiăng ‘nhiê rup môi khu ki hmâ to rơxế. Klêi kơ’nâi to lâi khế mơjiâng khu tí tăng séa ngăn mâu ki pro xôi, Ko\ng an Gia Nghĩa hiăng châ rup 2 ngế Trần Văn Bình, ối a cheăm Quảng Thành, pơlê kân Gia Nghĩa [ă Trần Văn Tuấn ối a cheăm Hội Nghĩa, tơring Tân Uyên, kong pơlê Bình Dương vâ séa ngăn mơnhên tơdroăng xôi ki khu ‘mêi tong tơmeăm.

Xo drêng kuăn pơlê dế tơngôu, ôh tá hbrâ rơnáu, sap ing apoăng hơnăm 2018 troh nôkố, Bình prếi Tuấn hiăng tơru\m [ă dêi rơpó, tí tăng môi tuăn [ă môi ngế ki ê brôk dêi rơpó lăm tong tơmeăm vâi ki iâ gá 24 hdroh, tung mê, ai 22 hdroh tong rơxế honđa tung kong pơlê Dak Nông. Klêi mê vâi djâ dêi rơpó lăm tê ăm mâu tíu ki rôe tơmeăm ton, mâu ki rôe meăm, chhá ki hiăng tơ’nhê, tâng ôh vâi tê ăm tíu ‘mêng rơnêu rơxế honđa tung kong pơlê xo liăn ki mê vâ hrê. Ko\ng an pơlê kong krâm Gia Nghĩa hiăng rup xo 17 toăng rơxế hon đa, 2  toăng tivi, 1 toăng phôn râng ko\ng rơtế [ă hên tơmeăm ki ê, hiăng tơvêh ăm tơná kuăn pơlê.

Gương tơplôu [ă tơbleăng