Cheăm Ea Pil, tơring Mdrak ai 12 hdroâng kuăn ngo rêh ối tung [ăng tơnêi lối 80km2. Pro pơxúa ing tơnêi tíu kân rơdâ, mê hnối ai troăng kân kơxo# 26 tơkâ luâ, ai troăng prôk troh a tơring Ea Kar, kong pơlê Dak Lak [ă tơring Sông Hinh, kong pơlê Phú Yên, mâu ngế ki pro xôi hmâ prôk vêh lăm ối hmuâ [ă pêi cheăng.

Pôa Nguyễn Quốc Hùng, a thôn 1, cheăm Ea Pil ăm ‘nâi, sap ing apoăng hơnăm kố, drêng Ko\ng an cheăm Ea Pil hiăng pro mâu Zalo, Facebook tơdah xo tơdroăng ki tối tơbleăng sap ing kuăn pơlê, mâu tơdroăng ki pro xôi luât hiăng kơdroh.

‘’Thôn 1 hdrối kố nah hlo ai rôh tơxiăn dêi rơpó, tong hơ’ve\ng, sap ing rôh tơbleăng Zalo tơdah xo tơdroăng pơsăm tối mê ko\ng an hiăng lăm chu pơkâ tơleăng re\ng tơniăn [ă tơ-[rê mê nôkố hiăng hlo kơdroh. Ai Zalo vâi krâ nho\ng o khe\n pơtroh um ăm ko\ng an, krếo phôn ăm thôn mê mâu khu ki pro xôi ôh tá khên xếo. Khu rak ngăn thôn dế tối tơbleăng ăm vâi krâ nho\ng o tơdjêp [ă kăn pơkuâ thôn, kăn pho\, kăn pơkuâ ko\ng an cheăm vâ tối tơbleăng tơdroăng ăm ko\ng an pơkâ tơleăng rak tơniăn kring gak’’.

Sap ing tơdroăng tối tơbleăng ing Zalo, Ko\ng an cheăm Ea Pil hiăng re\ng troh a tíu ki ai tơklâm rơxế

Tiô đăi u\y Nguyễn Sơn, kăn pơkuâ Ko\ng an cheăm Ea Pil, ing mâu trang măng "Facebook, Zalo tơdjêp tơdroăng ki tơniăn ăm rêm hngêi’’, ôh ti xê to re\ng châ xo tơdroăng ki pơsăm tối mâu ngế ki pro xôi ing kuăn pơlê, mê mâu vâi ngoh ối mơ’no tơdrêng troh kuăn pơlê mâu troăng hơlâ pơkâ dêi Đảng, luât dêi Tơnêi têa, tối tơbleăng, mơdêk hiâm mơno hbrâ kơchăng, tuăn hiâm pôu râng hnoăng cheăng dêi rêm ngế kuăn pơlê tung tơplâ mơdât mâu ngế pro xôi, veăng kum rak vế gâk kring tơniăn tung pơlê, cheăm.

‘’Ing hnoăng cheăng ki ai khât a cheăm xuân môi tiah tơdroăng ki ai hên h^n tơdroăng ki xúa mâu Facebook tung hneăng nôkố, krê tơná á ‘na hnoăng cheăng a cheăm hiăng pâ ing kăn pơkuâ ko\ng an tơring mơjiâng pro mâu trang măng Zalo, Facebook vâ tối tơbleăng tung lâp lu mâu troăng hơlâ luât, tơdah xo mâu tơdroăng ki pơsăm tối mâu ngế ki pro xôi.

Drêng châ tối tơbleăng kuăn pơlê [ă malối cho khu hơnăm ối nếo vâi re\ng ‘nâi [ă tơtro ‘ló khât. Tơdroăng kring vế tơniăn tung cheăm xuân tơniăn tâ, kơxo# ngế pro xôi luât hiăng hlo kơdroh. Troh nôkố, trang Zalo dêi cheăm Ea Pil hiăng châ 490 hdroh ngế séa ngăn’’.

Ko\ng an tơring MDrak rup kroăng khu ki hrik xo prêi ôh tá tro luât a kơpong ki tơdjêp k^ng pơla cheăm Ea Sô (Ea Kar)

Tơdroăng tơbleăng sap ing Ko\ng an tơring MDrak ăm hlo, troh nôkố, tâi tâng mâu cheăm tung tơring hiăng mơjiâng pro trang Zalo, Facebook [ă mâu kơxo# phôn Zalo tơdjêp [ă kuăn pơlê vâ pơtối tơdah xo tơdroăng ki pơsăm tối mâu ngế ki pro xôi, tơklâm rơxế a troăng prôk, tối tơbleăng luât. Trung tă Hồ Phi Nam, kăn pho\ pơkuâ Ko\ng an tơring MDrak ăm ‘nâi, sap ing apoăng hơnăm troh nôkố, ho\ng mâu tíu ki kố, tíu cheăng hiăng plâ ‘nhiê lối 30 roh pro xôi luât, pơxâu phâk liăn lối 100 rơtuh ngế. Pak^ng mê, Ko\ng an tơring xuân pơtroh hồ sơ troh a kơ koan ki ai tơdjâk troh pơsăm tối hên rôh [ă lối châ ngế pro xôi luât.

Tiô trung tă Hồ Phi Nam, tơdroăng ki xúa Facebook, Zalo lơ kơxo# phôn Zalo xuân ai mâu tơdroăng ki ôh tá tro. Vâ mâu trang kố mơdêk châ tơ-[rê xuân môi tiah tah lôi mâu tơdroăng ki ôh tá tro. Ko\ng an tơring hiăng ăm mơjiâng pro khu séa ngăn tơdroăng kal, tơdrêng amê hnối hnê hriâm mơdêk hnoăng cheăng ăm tâi tâng ko\ng an mâu cheăm, pơlê kân, [ă tối tơbleăng vâ kuăn pơlê ‘nâi nhên ki pơxúa dêi tơdroăng tơdjêp kố.

‘’Ngin hiăng rah xo mâu kăn [o# lêng ki rơkê ‘na hnoăng cheăng kong nge#, chêh pro mơ-éa xuân môi tiah ‘nâi ple\ng ‘na tơdroăng kring vế tơniăn tung pơlê cheăm vâ xúa tung khu séa ngăn tơdroăng ki tơbleăng. Mâu ngế ki kố hiăng troh ing mâu khu gâk kring, cheăng kâ, tơplâ ma tu\i, tơleăng tơdroăng xôi. Rơtế [ă tơdroăng ki mơjiâng khu mơnhên tối tơdroăng kal mê ngin ối hnê mơhno ăm ngế kăn pơkuâ ko\ng an mâu cheăm pôu râng dêi hnoăng cheăng tơru\m [ă kuăn pơlê vâ tơdah xo mâu tơdroăng kal; hnê mơhno ko\ng an mâu cheăm, pơlê kân pơtối to\ng kum tung mâu rôh hôp kuăn pơlê vâ mơdêk ki hlê ple\ng dêi kuăn pơlê ‘na ki pơxúa dêi mâu trang măng Zalo, Facebook  vâ vâi xúa pơtroh tối tơdroăng kal’’.

Chiâng vâ tối, tung tơdroăng ki xúa kong nge# thong tin nôkố, tơdroăng ki xúa túa tối tơbleăng hbrâ mơdât mâu ngế ki pro xôi, tơdah xo mâu tơdroăng ki pơtroh ‘na tơbleăng tơdroăng kal, pơsăm tối mâu ngế ki pro xôi ing Zalo, Facebook gá kal khât, veăng kum mơdêk ki tơ-[rê tung tơdroăng ki tâi tâng kuăn pơlê tơplâ mơdât mâu ngế ki pro xôi, rak vế kring tơniăn, malối cho a mâu thôn pơlê.

            Tuấn Long chêh

Katarina Nga tơplôu [ă tơbleăng