Kơ’noăng têa Quảng Điền, tơring Krông Ana cho kơ’noăng têa [a\ [ê-tông kân má môi a kong pơlê Dak Lak, kâng kơdât têa sap hơnăm 2014. {a\ tâi tâng kơxo# liăn mơ’no lối 312 rơtal liăn, kơ’noăng têa châ pói tơngah rak ton xo\n ăm vâ chê 3 rơpâu hectar báu a tơring.

Laga bu nếo hluâ môi roh têa kân lân lu, kơ’noăng têa hiăng tơ’nhê ó. Lâp sap ing kơpong kơ’noăng têa a tíu kơmăi hrik mơ’no têa T21 troh kơ’măi T22, thôn 1, cheăm Quảng Điền, tơring Krông Ana xo\n 1 km, tôh [ê-tông a kơ’noăng têa tro tơ’noh tâi tâng.

Mâu [ê-tông ki meăn pro krá kơ’noăng têa xuân tơhnâp,tơhnah chiâng ai klôh trâu. Thăm nếo ai mâu tíu tơ’nhê chiâng klôh trâu kân rơdâ sap 30 troh 40 cm. Pơtối mê kơpong kơ’noăng têa kố, maluâ ngiâ kơ’noăng ôh tá tơ’noh, laga xuân pơtối hlo mâu kơpong ki kâng kơ’noăng têa tro tơhnâp, tíu ki tơhnâp xo\n châ lối 100 met vâ chê 1 rơpâu met.

{a\ tơdroăng ki tơ’nhê ó môi tiah nôkố, bu tơ’nôm môi péa roh têa kân lân lu, kơ’noăng têa Quảng Điền kô tơhnâp tâi. Tiô kuăn pơlê tung tơring tối, kơlo ki tơ’nhê cho tô tuăn má môi, môi tiah nôkố xua tơdroăng ki mơjiâng pro ôh tá tơniăn. Pôa Lê Văn Sơn, môi ngế kuăn pơlê tung cheăm, tối ăm ‘nâi:

‘’Kơ’noăng têa kố meăn pro prêi [a\ hmốu hên, xi mong ôh tá bê hên. Nôkố rêm roh têa hiu mot mê đik pêng. Kơ’noăng têa tơ’nhê ó ‘nâng, tâng nôkố trâm roh têa kân lân lu nếo, mê kơ’noăng têa kố ôh tá ai xếo’’.

Drêng ai tơdroăng tơ’nhê ó [a\ kuăn pơlê nhôm cho ‘na mơjiâng pro ôh tá dâi le\m, pôa Y Hương Niê, Kăn pho\ hnê ngăn Vi [an tơring tối: Mâu kơ koan cheăng dêi tơring [a\ dêi kong pơlê hiăng séa ngăn vâ xúa mâu kơ’noăng têa hiăng mơjiâng pro kêi, xua mê ôh tá ai xiâm kối vâ mơnhên xua mơjiâng pro ôh tá dâi le\m.

Tiô pôa Y Hương kơ’noăng têa tơhnah tơhnâp xua têa kân lân lu plâ lối 1 khế a mơ’nui hơnăm nah:

‘’Tơdroăng xúa kơ’noăng têa mê nôkố kơ’noăng têa hiăng tơ’nhê ó xua kong prâi pro ôh tá tơniăn a mơ’nui hơnăm 2016 [a\ apoăng hơnăm 2017, têa kân lân lu tung pơla chía ton xuân tơdjâk troh ki trá  dêi kơ’noăng têa, drêng têa kân lân lu mê têa hiu xuân tơdjâk troh trá dêi kơ’noăng têa, ai mâu tíu tơhnah tơhnâp achê xiâm kơ’noăng têa’’.

Nếo pơxiâm a rơnó mêi, Dak Lak hiăng ai têa kân lân lu, pro lân lu lối 1 rơpâu 500 hectar loăng plâi tung lâp kong pơlê, tối hdrối ki rơ-iô dêi rơnó mêi têa kân lân lu hơnăm kố. Tơdrêng amê, kơ’noăng têa tơniăn ăm lối 3 rơpâu hectar klâng pêt báu, tơdjâk troh tơdroăng rêh ối dêi rơpâu rơpo\ng kuăn pơlê a tơring Krông Ana, xuân tro têa kân lân lu, [a\ lối 20 tíu lân lu ki ó xo\n sap 800 met troh 1.200 met; chât tíu tơhnah tơhnâp tâi tâng.

Tơdroăng kố tơdjâk troh ki tơniăn dêi  rơchôa têa. Laga, troh nôkố xuân tá hâi ai troăng ki lâi châ pêi pro vâ pro krá kâk kơ’noăng têa. Ki rơhêng vâ tối, mơni ai tơdroăng ki tá rơkê tơtro tung pơkâ, xua mê hnoăng cheăng [a\ kơ’noăng têa Quảng Điền tá hâi nhên khât.

Xua tiô inâi mâu kế tơmeăm khoăng châ xing xoăng pơkuâ tiô pơkâ 38/2014 dêi Vi [an kong pơlê Dak Lak, ôh tá ai inâi kơ’noăng têa kố. Tâng ôh tá châ rơnêu teăm tơdrêng, kơ’noăng têa hr^ng rơtal liăn kố kô tơ’nhê tâi, têa hiu troh a têa kroăng.

{a\ drêng mê, ôh tá xê tơdroăng rêh ối dêi kuăn pơlê chiâng pá puât, mê kơ-êng: Ulâi xiâm kối dêi tơdroăng kơ’noăng têa châ mơjiâng krá kâk tơniăn tơtro tiô pơkâ vê hdró, laga nếo châ xúa hiăng tơ’nhê, kô ôh tá châ tiâ tơleăng./.

A Sa Ly tơplôu [a\ tơbleăng