VOV4.Sêdang - Ô vâi krâ nho\ng o [ă pú hmâ! Plâi hồng Đà Lạt, kong pơlê Lâm Đồng cho môi hdrê plâi ki châ vâi ô eăng la dế ối tro vâi tơvât [ă plâi hồng kong têa Sinuâ. Tâng mâu tơdroăng ki tối tơbleăng ôh tá ‘nâi xiâm rêi, mâu ngế ki roê kâ, malối cho mâu ngế ki vâ roê plâi kong têa ê ôh ti vâ roê xếo plâi ki kố, mê chiâng pro ai tơdroăng ki plâi hồng Đà Lạt, kong pơlê Lâm Đồng ôh ti ai kơbố vâ roê. Ing mê, kuăn pơlê lôi dêi, ôh tá vâ rak ngăn, mê kơpong ki vâi ô eăng kố dế mơni kô tro vâi piu lôi.

To lâi kố, jâ Võ Thị Tuyết, ngế ki roê plâi hồng a pơlê kân D’Ran, tơring Đơn Dương, kong pơlê Lâm Đồng hiăng pơtê tê mơdró xua mâu tíu ki roê hên plâi hồng dêi jâ tối pơtê ôh tá roê xếo. Xiâm kối xua plâi hồng krâ inâi Đà Lạt – Lâm Đồng hiăng tro plâi hồng ing xiâm kối kong têa Sinuâ bro bô bối, chiâng pro ôh tá tơniăn tung kơchơ tơnêi têa. Ki má lối pro bô bối, lu lêa pơla plâi hồng ki roê ing kong têa ê [a\ plâi hồng Đà Lạt – Lâm Đồng pro mơngế ki roê xúa tô tuăn. Jâ Võ Thị Tuyết, tối: Kơchơ tê mơdró dế tơdjâk, xua vâi tối plâi hồng a kố ai xế pơkeăng ‘mêi, xua mê vâi ôh tá khên kâ. Ki nhên khât plâi hồng klêi kơ’nâi krí, mê ngin ăm kơmăi xut le\m, pro mơmâ mâ ngăn, krúa le\m. Plâi kố ôh tá tê ngi kong têa ê, xua mê yă tê ôh tá kơnâ.

Pơlê kân D’Ran, tơring Đơn Dương châ ngăn cho tíu pêt plâi hồng hên dêi kong pơlê Lâm Đồng, [a\ [a\ng lối 1 rơpâu hectar. Tiô pôa Phạm Ngọc Quang, ối a thôn Phú Thuận, pơlê kân D’Ran tối, plâi hồng hiăng pêt a kơpong tơnêi kố lối 60 hơnăm kố, [a\ kố cho môi tung mâu plâi ki pêt hên hiăng sap ing ton nah krâ inâi kế kâ kơhiêm dêi Đà Lạt – Lâm Đồng. Plâi dâi le\m, ai inâi ki ôu eăng, laga plâi ki kố hiăng tro plâi kong têa Sinuâ pro chiâng ôh tá tơniăn, tro mơngế ki hmâ roê ôh tá vê roê kâ xếo, tơdjâk kân troh tơdroăng pêi pêt [a\ tơdroăng rêh ối dêi vâi krâ nho\ng o. Pôa Phạm Ngọc Quang tối: Apoăng rơnó tê [a\ yă lối 10.000 rơpâu liăn môi kilô, nôkố hiăng chu kơdroh 6.000  liăn troh 8.000 liăn môi  kilô, tiô ngăn plâi ki le\m lơ ôh. Yă plâi hồng a kố ôh tá châ kơnâ môi tiah mâu hơnăm hdrối, xua mê tơdroăng rak ngăn vâi krâ nho\ng o xuân ôh tá khât, bu rak ngăn iâ tê.

Drêng ai tơdroăng tiah kố, plâi kâ ki kơhiâm Đà Lạt – Lâm Đồng ôh tá châ tê, kuăn pơlê ôh tá ai liăn mơ’no cheăng, mâu kơdrum pêt plâi hồng xua mê rế hía rế iâ. Pôa Trần Xuân Thưởng, hơnăm kố 85 hơnăm, hmâ [a\ kơpong pêt hên plâi hồng ki ôu eăng pơlê kân D’Ran, tơring Đơn Dương – Lâm Đông, hlo khéa ‘nâng drêng plâi kâ kố long hía: Tíu kố cho tíu pêt plâi hồng hên má môi, tíu kố tâng ôh tá pơtối pêt, rak ngăn plâi hồng cho mơjo khât. Kuăn pơlê hlo yă rơpâ, xua mê ôh tá rak ngăn khât, mê plâi chiâng ôh tá dâi le\m. Xua vâi ôh tá ‘nâi tíu tê a lâi, kơchơ tê mơdró alâi?.

Kơvâ cheăng kong pơlê Lâm Đồng dế po rơdâ tơdroăng tơkêa bro ‘’Mơjiâng, pơkuâ [a\ mơnhông mơdêk inâi mơnhên plâi hồng Đà Lạt – Lâm Đồng’’, vâ tơniăn tung tơdroăng pơkuâ ki dâi le\m, thăm mơhnhôk mơ’no liăn cheăng [a\ mơdêk ki kơnâ ăm plâi kâ kơhiêm kố dêi Việt Nam. Laga, drêng ai tơdroăng plâi hồng roê ki kong têa Sinuâ pro bô bối plâi hồng Đà Lạt, hiăng pro plâi hồng Đà Lạt ôh tá tơniăn, long tâi. {a\ ôh tá xê to plâi hồng Đà Lạt – Lâm Đông, mê mâu loăng plâi kâ kơhiêm ki ê dêi kong pơlê xuân trâm tơdroăng môi tiah mê, tung mê ai pôm [ok Đà Lạt cho vâ pơtih.

A Sa Ly tơplôu [a\ tơbleăng