Têa kroăng, têa long xiâ. Mâu loăng nhâ, kong kế răng ho\n. Kong tô ó pro nhâ pêt dêi kơpong rak vế nhâ loăng kong kế Ea Sô răng ho\n pơtâi pơtâng, tơ’lêi tro on chếo kâ. Tơneăn tâp hdró tối tơbleăng on tơ’lêi chếo kong xâu xía râ má 5 – râ ki rơ-iô má môi.

Kơpong rak vế nhâ loăng kong kế Ea Sô ai lối 26.800 ha, tung mê ai 21.600 ha châ rak ngăn krâu khât. Kố cho tíu hên kuăn kiâ kong, nhâ loăng pơlái kong kế ki kơnía môi tiah; loăng rơnâng kân, ka-te, cẩm lai, loăng kơdrâ, ro kong, kơpôu kong [a\ hên ki ê hía. Ki pá má môi [a\ mâu khu rak ngăn kong tung kơpong rak vế nhâ loăng pơlái kong kế Ea Sô nôkố ôh tá xê mâu ngế tong kếo loăng, mê cho xâu on chếo kâ kong.

Pôa Lê Đắc Ý, Kăn pơkuâ rak ngăn kong kơpong rak vế nhâ loăng pơlái kong kế Ea Sô tối ăm ‘nâi: Nôkố kơpong rak vế nhâ loăng pơlái kong kế ai 5 rơpâu ha kong nhâ loăng, 600 ha kong ki pêt, xua tô mơdrăng tơ’lêi tro on chếo drêng lâi ôh tá ‘nâi. Khu rak ngăn mơnhông pêt kong, mâu ngế rak ngăn kong dêi kơpong rak vế nhâ loăng pơlái kong kế bu ai 60 ngế xo. Nôkố khu cheăng mơhnhôk hên mâu ngế rak ngăn kong; ôh tá pơtê, kơdroh tơdroăng hôp, tâi tâng thế tơku\m gak ngăn kong vâ hbrâ mơdât on chếo.

Pôa Nguyễn Quốc Hùng, Kăn pho\ rak ngăn kong Kơpong rak vế nhâ loăng pơlái kong kế Ea Sô tối ăm ‘nâi: Sap ing hdrối rơnó tô khu  cheăng kố hiăng mơ’no dêi kơmăi kơmok vâ rak ngăn pái hr^ng km troăng kơvê on, tâi tâng poh kong tâk troh vâ chê 80 ha. Vâ kơdroh on chếo kâ, mot a rơnó tô mơdrăng khăng khoăng, khu cheăng kố hiăng hbrâ pêi pro tơdroăng ‘’chôu on tro tiô pơkâ’’, thăm gak ngăn plâ hâi plâ măng a hơkôp. Tơdrêng amê gak ngăn mâu troăng ki ôh tá ăm kuăn mơngế mot tung kong.

‘’A rơnó tô kố tơdroăng pơkuâ rak ngăn kong a kơpong rak vế nhâ loăng kong kế Ea Sô cho pá puât [a\ hên tơdroăng pơloăng mơnúa. Tơ’lêi tro on chếo kong ‘nâng. Khu cheăng ngin hiăng mơjiâng pơkâ pêi pro tơdroăng pơkuâ rak ngăn kong, pơcháu ăm tíu cheăng thăm séa ngăn mâu tíu ki tơ’lêi on chếo; tâi tâng rêm ngế lo lăm pêi cheăng a mâu tíu ki tơ’lêi on chếo. Mâu tíu tơkăng [a\ kơpong Gia Lai, Phú Yên. Amê, mâu ngế tong kếo loăng hmâ mot tung kơpong rak vế vâ tong uâ. Drêng  pá puât môi tiah nôkố mê khu pơkuâ rak vế kong kế Ea Sô hnê mơhno mâu khu gak ngăn, khu ki rak ngăn thăm pơkuâ krâu khât kong ilâng, thăm séa ngăn tung tíu ki pơkuâ’’.

A tíu rak ngăn kơxo# 5 – tíu kố ối tơdế troăng tơkăng kong 3 kong pơlê Dak Lak, Gia Lai [a\ Phú Yên, pak^ng tơdroăng hbrâ mơdât on chếo kâ kong, khu cheăng akố ối thế pro mâu roh séa ngăn mơdât mâu ngế mot tung kong tong kếo loăng, tơnăng kuăn kiâ kong. A kơpong kố, mâu troăng ki mơdât on chếo kong châ pơchoh pro le\m, mâu hơpăm ai ngế gak ngăn plâ hâi plâ măng, hbrâ mơdât teăm tơdrêng tâng lơ ai on chếo kong.

Pôa Võ Đức Minh – kăn pơkuâ kong poh kơxo# 5 tối ăm ‘nâi: Khu pêi cheăng dêi Khu gak ngăn ôh tá ăm ai tro on chếo kâ kân tung kơpong pơkuâ.

‘’Ki phá dêi tíu gak poh kơxo# 5 kố cho xua hên loăng pơlái mê tơdroăng rak vế ngăn pá  puât, maluâ vâ mơdât kuăn mơngế, vâi mot  akố ing hên troăng têa kroăng, ngo ngối. Tơdroăng cheăng dêi nho\ng o ga tơbrêi ‘nâng, lăm séa ngăn trâm hên pá puât. A rêm poh xá, ngin thế đi đo séa ngăn [a\ prôk chêng ôh tá chiâng to rơxế honđa. Laga nho\ng o ngin xuân ối  mơ-eăm gak ngăn kong i krâu khât’’.

Công Bắc chêh

A Sa Ly tơplôu [a\ tơbleăng