VOV4.Sêdang - Tiô séa ngăn rôh hôp má 2, Kuo#k ho#i hneăng 14, kuăn pơlê Vi Hoa Lư, tôh 2 bêng Nghĩa Tân, pơlê kong krâm Gia Nghĩa, kong pơlê Daknông púi vâ: Tiô tơmâng ngăn tơdroăng dêi pôa Nguyễn Xuân Phúc, Ngế pro xiâm hnê ngăn Chin phuh tối tơbleăng tơdroăng ki hiăng klêi roh hôp Kuo#k ho#i hneăng hdrối nah, hơnăm hiăng hluâ tơnêi têa hlo ai hên kong prâi pro ôh tá tơniăn môi tiah kong tô mơ drăng, tê xăng po lân, achê kố têa lân lu, a 4 to kong pơlê kơpong tơdế tơnêi têa. Maluâ ối trâm hên xơpá tiah mê, la châ tơdroăng môi tuăn dêi Chin phuh hiăng pơkuâ kơtăng khât, rơkong tơpui ko\ng rế pêi. {ă tơdroăng, Daknông púi vâ Chin phuh pêi pro kơtăng pôi tá ăm ai tơdroăng ki ko ‘nhiê kong, thế rak ngăn kong, á hlo to lâi hơnăm achê pơla kố vâi ko kong hên ‘nâng. Hơnăm 2016, pôa Nguyễn Xuân Phúc, Ngế pro xiâm hnê ngăn tơnêi têa hnê mơhno hên tơdroăng thế pêi pro kơtăng, pôi tá ăm châ ko ‘nhiê kong, hdi kong.

          Séa ngăn hâi pêi cheăng apoăng hneăng hôp má 2 dêi Kuo#k ho#i, pôa Nguyễn Khắc Huệ, Kăn hnê ngăn Khu pơkuâ mô đo#i hneăng hdrối nah bêng Lê Lợi, pơlê kong kơdrâm Kon Tum kheăn kơdeăn tơdroăng pơkuâ dêi Chin phuh, tơdrêng amê tối pói vâ Kuo#k ho#i, Chin phuh ai troăng hơlâ kum vâi krâ hdroâng kuăn ngo a kơpong pá puât dêi kong pơlê hơ’lêh tơdroăng rêh ối: Á hlo Ngế pro xiâm hnê ngăn Chin phuh pro kơtăng khât ‘na mơnhông mơdêk cheăng kâ. Mơhé mơnhông mơdêk cheăng kâ kân dêi lâp tơnêi têa hrá, laga Chin phuh hiăng pêi pro krâu. Á hlo kố cho tơdroăng ki sôk ro. Laga tơdroăng rêh ối dêi kuăn pơlê ki rơhêng vâ tối mâu hdroâng kuăn ngo ki ối trâm pá. Kuăn pơlê ngin pói vâ Kuo#k ho#i tung tơdroăng séa ngăn, hnê mơhno dêi Chin phuh pro tiah lâi ai mâu troăng hơlâ to\ng kum hdroâng kuăn ngo, ki rơhêng vâ tối cho a mâu kơpong pá puât ai tơdroăng rêh ối tơtro tâ.

Gương prế A Sa Ly tơplôu [ă tơbleăng