Ai dâng rơtuh ngế kuăn pơlê Việt Nam a lâp luô, rêm tíu: mâu pú lêng, mâu pú hmâ ton, mâu ngế kuăn pơlê ki hiăng hmâ rêh ối achê [ă pôa Trần Đại Quang hiăng kơdrâ tơviah drêng tâng tối pơtâng Kăn xiâm hnê ngăn tơnêi têa hiăng kơtê hiâm. Ai hên kuăn pơlê, tơdroăng nếo ‘nâi Kăn xiâm hnê ngăn tơnêi têa kơtê hiâm cho môi tơdroăng ki hía he\ng kân khât [ă Đảng, Tơnêi têa [ă Kuăn pơlê.

Kơtăn ing hâi kố ai to lâi măng t^ng hdrối, Kăn xiâm hnê ngăn xuân ối veăng pêi pro mâu tơdroăng cheăng tung tơnêi têa [ă kong têa ê hên h^n mâu tơdroăng pêi pro moi tiah Leh pơxiâm mot hơnăm hriâm nếo a Hngêi trung râ má 3 phôh thong Chu Văn An, Hà Nội, lăm pôu pêi cheăng a kong têa Egipto [ă Ethiopia, tơdah Kăn xiâm pơkuâ kong têa Indonesia. {ă ki nếo achê má môi pơla kố, Kăn xiâm hnê ngăn tơnêi têa xuân ối pơtroh hlá kơthô Têt Trung thu vâi hdrêng [ă hên mâu tơdroăng ki ê.

Pôa Nguyễn Minh Sơn, ối a 96 Lê Duẩn, Hoàn Kiếm, Hà Nội ai tối:

‘’Nếo achê pơla kố, Kăn xiâm hnê ngăn tơnêi têa ối lăm pôu, pêi cheăng a mâu kong têa vâi ê, môi tiah nếo achê pơla kố, pôa ai lăm pôu, pêi cheăng a kong têa Egipto. Pơxiâm vâ chê troh Têt Trung thu, Kăn xiâm hnê ngăn tơnêi têa hiăng pơtroh hlá kơthô ăm mâu vâi o, muăn ‘ne\ng.

Kăn xiâm hnê ngăn tơnêi têa hiăng lo prôk hơngế ki tơdrêng môi hdroh ti mê. Tung hneăng hiăng luâ, Kăn xiâm hnê ngăn tơnêi têa hiăng pêi cheăng tơniăn le\m păng ‘nâng vâ po rơdâ tơru\m ‘na cheăng tơpui kâ [ă hên mâu kong têa ki ê’’.

Pôa Trần Đại Quang, Kăn xiâm hnê ngăn tơnêi têa tung hneăng pêi cheăng dế ối rêh nah

Drêng tâng tơdroăng pôa Trần Đại Quang, Kăn xiâm hnê ngăn tơnêi têa hiăng kơtê hiâm, kuăn pơlê a Tây Nguyên xuân mơhno tối tơdroăng ki mơjo pâ, s^ng khéa ó ‘nâng. Ki má môi, tung hneăng ối pro Kăn  xiâm pơkuâ ko\ng an, Kăn hnê mơhno cheăng Tây Nguyên, pôa Trần Đại Quang hiăng troh a mâu pơlê cheăm kơpong hơngế hơngo, pơlê cheăm dêi hdroâng kuăn ngo, to\ng kum ngăn khât troh tơdroăng rêh ối dêi kuăn pơlê [ă ‘na tơdroăng kring vế, gak ngăn tung kơpong.

Pôa Trương Nhất Vương, ối bêng Tân Thành, pơlê kong kơdrâm {uôn Ma Thuột, kong pơlê Dak Lak tối tiah kố:

‘’Xuân môi tiah rêm ngế nho\ng o ki ê, drêng tâng tối Kăn xiâm hnê ngăn pơtê hiâm, á kơdrâ păng ‘nâng, tâ châi tung hiâm mơno. Pôa Trần Đại Quang hdrối nah cho môi ngế kăn tươ\ng Ko\ng an [ă hiăng  ai hneăng ki pro Kăn hnê mơhno cheăng Tây Nguyên, hiâm mơno pôa hiăng kum ăm kuăn pơlê a Tây Nguyên hên tơdroăng ki ối chôu vế, trâu rơdâ ‘nâng. Pôa Trần Đại Quang hiăng kơtê hiâm, mê hiâm tuăn [ă um méa pôa xuân ối đi đo tung mơno kuăn pơlê Tây Nguyên’’.

Kuăn pơlê a Hải Phòng xuân s^ng khéa [ă hơ’nêng hơ’no ó ‘nâng. Pôa Bùi Anh Tuấn, ối a bêng Vĩnh Niệm, pơlê krâm Lê Chân, pơlê kong kân Hải Phòng ai tối:

‘’Tâng tối Kăn xiâm hnê ngăn tơnêi têa kơtê hiâm, vâ tối păng ‘nâng mê cho tơdroăng ga re\ng lối râ, á tâ kơdrâ tung hiâm ‘nâng. To lâi hâi hdrối á ối hlo Kăn xiâm hnê ngăn lăm pôu, pêi cheăng a kong têa ê, veăng hôp, tơpui tơno mâu tơdroăng, hâi kố drêng tâng tối ‘na tơdroăng pôa kơtê hiâm, mê kuăn pơlê Việt Nam xuân kơdrâ tơviah [ă s^ng khéa ó ‘nâng. Mê xuân cho hiâm mơno krê tơná á [ă nho\ng o tung lâp tơnêi têa Việt Nam tối tơdjuôm’’.

Mâu pú hmâ hok tro, sinh viên drêng tâng tối pôa Trần Đại Quang, Kăn xiâm hnê ngăn tơnêi têa hiăng kơtê hiâm pơrá khéa kho, mơjo pâ. Nguyễn Bích Trâm, sinh viên Hngêi trung Đăi hok Kiến Trúc Đà Nẵng hiăng mơhno tối hiâm mơno dêi tơná:

‘’Á kơdrâ hil ‘nâng drêng tâng tối Kăn xiâm hnê ngăn tơnêi têa hiăng kơtê hiâm. Nếo achê pơla kố, á ối hlo pôa Trần Đại Quang lăm veăng a hâi leh pơxiâm po hơnăm hriâm nếo a Hngêi trung râ má pái phôh thong. Á ối chôu vế nhên ‘nâng rơkong hnê tối, pơchân khe\n dêi Kăn xiâm hnê ngăn tơnêi têa pơtroh ăm hok tro, sinh viên kal pơtối rak vế, pêi pro tơdroăng ki tiah hmâ ‘na hâk git kơ hriâm, păn roăng hiâm tuăn ‘nâi khên tơnôu, mơ-eăm kơhnâ tung mơhriâm vâ rơkê a la ngiâ’’.

Kuăn pơlê a Pơlê kong kân Hồ Chí Minh xuân ôh tá [e\ng ê, kơdrâ tâng tối tơdroăng kố hiăng s^ng khêa, hơ’nêng hơ’no, mơjo pâ klêi kơ’nâi tâng tối môi ngế kăn xiâm ki rơkê [ă châ ô eăng lâp tơnêi têa hiăng kơtê hiâm.

Ngoh Nguyễn Nam Hoàng, môi ngế cheăng ăm tơnêi têa, hơnăm ối nếo, ối a pơlê krâm kơxo# 8, Pơlê kong kân Hồ Chí Minh ai tối:

‘’Drêng tâng tối Kăn xiâm hnê ngăn tơnêi têa hiăng kơtê hiâm, á tâ dêi tung hiâm mơno phoih, rơ-rêk mơjo pâ môi ngế kăn ki rơkê păng ‘nâng. Nếo achê pơla kố nah, á ối hlo um méa Kăn xiâm hnê ngăn tơnêi têa tung um tơvi, internet, mê chôu phut kố, pôa hiăng ôh pá ai xếo.

Á chôu vế mâu roh ki lăm trâm mâ, tơpui tơno [ă vâi krâ-nho\ng o a pơlê kong kân Hồ Chí Minh, kơnôm ing hyôh rơ’jíu, um tơvi, [ă hlá tơbeăng, á châ tâng idrâp, rơkong tơpui ki chôa ‘lâng, pơchaan khe\n dêi Kăn xiâm hnê ngăn tơnêi têa, hlo um méa ki achê [ă kuăn pơlê, đi đo tơmâng rơkong tơpui tối, tơdroăng pói vâ dêi kuăn pơlê, pôa ai tiâ mơnhên mâu tơdroăng ki kuăn pơlê ối tô tuăn, ối kal vâ châ ‘nâi nhên.

Mê cho môi tung mâu tơdroăng ki pro á ối pâ vế đi đo [ă hiâm mơno á hlo rơ-rêk, mơni tơdroăng kố ti xê krê môi ngế á tê, mê xuân ối pâ vế hên [ă vâi krâ-nho\ng o a Pơlê kong kân Hồ Chi Minh ki hiăng tơmiât, pâ vế, chôu ‘măn ‘na pôa Trần Đại Quang, Kăn xiâm hnê ngăn tơnêi têa’’.

Vêh séa ngăn luâ tơdế hneăng dêi pôa ối pro Kăn xiâm hnê ngăn tơnêi têa, ai hên kuăn pơlê ai mơnhên tối hnoăng cheăng ki kân, ki rơkê dêi pôa Trần Đại Quang tung tơru\m tơpui kâ [ă kong têa ê, veăng mơnhông um méa, hnoăng cheăng dêi Việt Nam tung lâp plâi tơnêi.

Pôa Đỗ Hoan, cheăm Hạ Hồi, tơring Thường Tín, pơlê kong kân Hà Nội tối ăm ‘nâi:

‘’Mâu rơkong tơpui tối dêi pôa Trần Đại Quang, Kăn xiâm hnê ngăn tơnêi têa drêng trâm [ă mâu kăn kong têa ê, mê á hlo, pôa tơpui rơkê păng ‘nâng, tơtro. Tung hiâm tuăn dêi Kăn xiâm hnê ngăn ga re\ng klê ple\ng trâu hơngế, ‘nâi hdrối tơdroăng ki kô ai tung dế nôkố [ă a la ngiâ tung mâu tơdroăng cheăng. Pơla hdrối mê hía nah, tơdroăng tơpui kâ [ă kong têa ê cho le\m tro ‘nâng, châ mơnhông, tơru\m cheăng dêi Việt Nam [ă mâu kong têa ê dế mơnhông mơdêk re\ng’’.

Tung hneăng pêi dêi tơdroăng cheăng tơná, pôa Trần Đại Quang, Kăn xiâm hnê ngăn hiăng hlo nhên hnoăng cheăng ki trâu rơdâ tung tơru\m tơpui kâ [ă kong têa ê: rơtế [ă Đảng, Tơnêi têa [ă kuăn pơlê hiăng tơku\m [lêi chiâng Hneăng hôp APEC a pơlê kong kân Đà Nẵng a hơnăm 2017. Pôa xuân cho ngế ki pơtối djâ troăng ki xiâm vâ tơpui kâ, tơru\m tơrôa [ă kong têa ê krá tơniăn vâ Việt Nam châ mot tơru\m trâu rơdâ tung kơpong [ă tung lâp plâi tơnêi.

Nhat Lisa tơplôu [ă tơbleăng