VOV4.Sêdang - Kơxê lơ 22/10, Kuô̆k hô̆i tơmâng tối tơbleăng ƀă tơpui a Tôh ‘na tơdroăng pêi pro tiô luât pơkâ tŏng kum ‘na ƀaoh hiêm pơlê pơla, rak ngăn xúa Liăn ƀaoh hiêm pơlê pơla hơnăm 2020; tơdroăng rak ngăn xúa liăn ƀaoh hiêm khăm pơlât hơnăm 2020 ƀă pêi pro tơdroăng Pơkâ kơxô̆ 68 Kuô̆k hô̆i  hneăng 13 ‘na mơdêk pêi pro tiô pơkâ  tŏng kum, luât ‘na ƀaoh hiêm khăm pơlât, troh ƀaoh hiêm khăm pơlât tâi tâng kuăn pơlê tung 2 hơnăm 20219-2020.

Riân troh tâi hơnăm 2020, kơxô̆ mơngế veăng rôe ƀaoh hiêm pơlê pơla ai lối 16  rơtuh ngế, tơ’nôm ƀă 33,5% mơngế ki pêi cheăng dế tro hơnăm. Tâi tâng kơxô̆ liăn rôe ƀaoh hiêm khăm pơlât ai lối 110 rơpâu rơtal liăn, hrê rôe ƀaoh hiêm khăm pơlât hơnăm 2020 ai lối 104 rơpâu rơtal liăn, tâi tâng kơxô̆ liăn xo ƀaoh hiêm khăm pơlât hên tâ tâi tâng kơxô̆ ki ‘no liăn ƀaoh hiêm khăm pơlât ai lối 5 rơpâu rơtal liăn. Tơbleăng séa ngăn dêi Vi ƀan pơlê pơla pâ thế Chin phuh mơgêi pêi pro tơdroăng Pơkâ 68 pro xiâm vâ pa athế, tối ăm Kuô̆k hô̆i pơkâ tơtro ƀă tơdroăng nếo nôkố; tí tăng ‘nâi plĕng troăng rơhlâ mơdêk kơlo nâp ƀaoh hiêm khăm pơlât ăm tơtro; hlối hnê mơhno ăm mâu khu xiâm, kơvâ cheăng ƀă kong pơlê mơdêk séa ngăn tơdroăng pêi pro tiô luât pơkâ, luât ‘na ƀaoh hiêm khăm pơlât, tơleăng mơnhên mâu tơdroăng pêi pro ki xôi luât.

Gương tơplôu ƀă tơbleăng