VOV4.Sêdang - Teăng mâ Vi ƀan pơkuâ Kuô̆k hô̆i, pôa Vương Đình Huệ, Kăn xiâm hnê ngăn tơnêi têa nếo kĭ pơkâ kơxô̆ 406 ‘na pơkâ mâu tơdroăng vâ kum khu mơdró, mâu kuăn pơlê ki tro tơdjâk pơreăng COVID-19. Pơkâ tối nhên,  kơdroh 30% kơxô̆ pro hnoăng mơhá khu mơdró thế nâp dêi hơnăm 2021 ƀă ngế ki nâp hnoăng mơhá tiô pơkâ dêi Luât xo hnoăng mơhá khu mơdró ki ai kơxô̆ liăn pêi lo nâp hnoăng mơhá tung hơnăm 2021 ôh tá luâ 200 rơtal liăn ƀă kơxô̆ liăn pêi lo nâp hnoăng mơhơnăm 2001 kơdroh tâng vâ pơchông ƀă kơxô̆ liăn nâp hnoăng mơhá hơnăm 2019.

Ôh tá êa nâp hnoăng mơhá mơngế pêi lo tơ’nôm tơmeăm, mâu hnoăng mơhá tơ’nôm ƀă mâu túa nâp hnoăng mơhá ki ê, ki nếo thế nâp ing tơdroăng pêi cheăng pêi pro kế tơmeăm, tê mơdró tung plâ khế, tung pái khế sap khế tơpah troh khế tơchên ƀă pái khế mơ’nui hơnăm 2021 ƀă mâu rơpŏng, mâu ngế ki pêi cheăng pêi pro tơmeăm, tê mơdró a mâu tơring ki tro tơdjâk xua pơreăng COVID-19 tung hơnăm 2021 xua Kăn hnê ngăn Vi ƀan kong pơlê, pơlê kong kân râ xiâm tơnêi têa pơkâ. Pơkâ ki mê xêt sap hâi lơ 19/10/2021.

Gương tơplôu ƀă tơbleăng